39 Kïwö ngat kïsagh, akïmwa ngale chaye le nyaye.
Kyasaghan Echotyon kïnyïl sömök ompö ngölyontononi lö töchengenanïn,
“Akwotini osoghöy, mepöghisyeghö ngal cho chang cho puryö kinyiwut, le wölo lata pich cho melö tïng kighanat cho lenchini kegh terchini Tororöt chane ompöwölo soghöy nyo kogh.
Kïmwochï Yeso asistanka kinetankachi körkeyïn nyo kinetöy lö, mïchini kïsagh osis löwïr, amömeghö mutïnö.
Atolapay kïlenchï chane, “Oripsyenö asagh tömölït työmut. Tïngeto mïkulögh machat, wölo nyarkalal portö.”
Kïmïla ngat kïnyorï kinetankachi rusot kinam rïwöntö nyo nïkis konyikwa. Akimökunkïtcha kïgh nyo yokyini nyinte.
Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.
