MARKO 13:9 - PIPÏLIA

⁹ “Orip kegh ompöwölo kipokwa ka kirwok, Kïmungonekwa kori sowut. Oghyongonekwa tawu kirwokot nko pöytoghï akwompö ani, atomchinö chane ngalechan.

MARKO 13:9 Referans Kwoze

YOANA 16:2

Yonenokwa chane kori saghat. Atökïpkonöy osiswö cho nonöy chi nyo pörokwa lö pöghisyechini nyinte Tororöt.

MARKO 13:5

Kutor Yeso kïmwochï chane lö, “Orip kegh tömölïsak chi.

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

2 TESALONIKE 1:5

Poru ngalechoni lö, pö man kirwoko Tororöt nyo ighokwa nyinte alïkuna pich cho mïchini Pöyunötenyi nyoni omitekwa owonguno.

PILIPI 1:29

Ompöwölo kakekonokwa pöropchö nyo opöghisyechini Kristo melö ompö kighanat onkït, wölo ompö kiwongunöt tïkwïl nyo owongunonekwa nyinte.

IGHISYEWUT 21:11

Nyini kitï wölini kikïmïtecha, kïcheng angwa Paulö nyo kiröto mu, kïrata kelyechi nko morichi akïlö, “Mwoghöy Mïkulögh nyo Tïlil lö, ‘Rötöy pipö Yaudi chichï pö angwanï pö mu le nyete ompö Yerusalem, akwonkoghchï pipö punton.’ ”

IGHISYEWUT 9:16

Ompöwölo oporchinan nyinte tïkwïn lapay cho mïchini kïsïkö nyinte nyarïl ompö kaynenyan.”

IGHISYEWUT 7:54

Akwotini kilïm Kokwö* ngala Stepano, kungoyö, akïnyöghchï nyinte kelat.

YOANA 15:20

Anana ngölyontonay kyomwowokwa lö, ‘Möminye mötworintö nyo wow kïsir echotyontenyi.’ Ato kichopanïn chane kong, kuchopokwa kong tïkwïl, ntökiter chane ngölyontenyan, kötöteröy nyinkwa tïkwïl.

LUKA 9:5

akï wop anka tïkwïl nyo matekekwanye pich angeta wöloni akwotini opetöy aparta terïtyon nyo mi kelyekwa, lïku nyoni rirunat ompö chane.”

MARKO 6:11

Kaw anka tïkwïl nyo machamakwanye pich anta ter ngalekwa, apegha atoni aparta terïtyon ompö kelyekwo, kïlïku söwintön ompö chane!”

MARKO 1:44

kïlenchï, “Memwochï chi ngalechï nyonikïny, wölo wïyö porchinö kegh tïsin, atolapay itötö ropöwon nyo kiyomis Musa ompö kisopötengu atökïsïwa pich tïkwïl lö kesöpönyi.”

MATAYO 5:22

Wölo omwowokwa nyu ye lö, chi anka tïkwïl nyo nörekyini werïngwa, kepöy kokwö,* akwanka tïkwïl nyo kuro werïngwa sölwö, kuroko kewirchï mapa kokay.

MARKO 13:8

Ompöwölo poryegho korö kore anka, kïsetï pöyunötö pöyunöte anka. Rïngringöy ngwïnya ompö koros cho chang, akïpkonchini kömeywok koros. Lata ngalechoni pat kitoröto kichïr pö korka nyo kïghöy.

2 YOANA 1:8

Kïlenyona nyu orip kegh atömepot kïgh nyo kökyasïngekwa, wölo tonyorunö ropöwontengwo kïmïkul.