MARKO 13:26 - PIPÏLIA

²⁶ Atolapay kïsïwa chane Wero Chi kungwïno poltoy ompö owesyö nyo wow nko ororyö.

MARKO 13:26 Referans Kwoze

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.

MARKO 14:62

Kïlö Yeso, “Ochan asïwïyekwa Wero Chi kumpuröy okumpö tagh nyo pö Kimuktoghin nyo pö owesyö löwïr akungwïnöy ompö poltoy pö yïm.”

MATAYO 24:30

Atolapay kïrumunö kiporunöto Wero Chi yïm. Riryöt nyu puntoni ngwïny löwïr otoni söchï Wero Chi kungwïno poltoy nko owesyö nko ororyö nyo wow.

MATAYO 16:27

Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi.

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,

MARKO 8:38

Chi anka tïkwïl nyo lolïyonöy ompö ani nko ngalechan ompö tawu pïchï pö osiswechï le kalomok akïmwokïyis, kïlolïyonchini tïkwïl Wero Chi chane ato ngwïn nko ororyeto Kwanta kïmi nko malaykeni Tororöt cho tïlilöch.”

1 TESALONIKE 4:16

Ompöwölo rökuno Echotyon nyinte yïm taghöy Tororöt kïmwowu ngölonöy malaykayan nyo wow akïlïm pich chöghöto konti Tororöt. Nyoghöy nyu kututu pich cho kimeghö ompö Kristo.*

IGHISYEWUT 1:11

akïlö, “Akwa pipö Kalilaya, ompö ne toghyongekwa arosöy yïm? Yeso nete kakimït kïwö yïm, kungwïnöy le nyete kasïwekwa kïwetöy yïm.”

MATAYO 16:17

Kïlenchï Yeso, “Ichinyi soyönote, Simon Par Yona, ompöwölo melö kenkïtunyi ngalechï pö man ompö chïreryo ptangengmöt, wölo köngongunyi Paponyan nyo mi yïm.

MATAYO 16:28

Omwowokwa nyoman lö mi pich yeteyi cho melö sïwïyi meghat ntökïtenö kïsïwa Wero Chi kungwïnöy ompö Pöyunötenyi.”

MARKO 9:1

Atolapay kïlenchï Yeso chane, “Omwowokwa nyo pö nyoman lö mi yeteyi pich cho te cho mömeghsotcha kïtomö kïsïwa Pöyunöto Tororöt kungwïnöy ompö owesyö.”

LUKA 21:27

Atolapay kïsïwa nyu chane Wero Chi kungwïno polta nko owesyö nko ororyö nyo wow.

2 PETRO 1:16

Melö kikïrïpacha kikorön cho kitam pich atanye kikïmitecha kemwowokwa paraku owesyö nko kingwïnata Echotyontenyo Yeso Kristo. Kikïsïweghecha achane konyicho ororyenyi.