Biblia Todo Logo
Bib sou entènèt

- Piblisite -




MARKO 13:11 - PIPÏLIA

11 Akwato namakwa akipokwa ka kirwok, kïmosus kegh lö, kïpetöy kemwoghöy ne, wölo omwoghekwa ngölyon nyo kïkonokwa panini keti asisoni. Ompöwölo melö ngalekwa cho ongölonekwa, konokwa Mïkulögh nyo Tïlil kïgh nyo omwoghöy.

Gade chapit la Kopi




MARKO 13:11
25 Referans Kwoze  

Wölo kitö Mïkulögh nyo Tïlil Stepano ngöghomnyö nyo wow, nyo otini kingalan kïmökumïcha kïrïnta nyinte.


Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.


Kïlenyona, melö kinetecha ngal cho kikinetecha ompö ngöghomnyo ptangengmöt, wölo ngal cho kinetecha Mïkulögh, otini kïmitecha kenetöy ngala man cho pö mïkulögh ompö pich cho tïng Mïkulöwu Tororöt.


Wölo ato mi chi akong kwenunkwa nyo rörchinote ngöghomnyö, kïmïchini kïsom Tororöt, nyo töni pich lapay kuwayta kïrïp kegh nko pöropchenyi, atökutö nyinte.


Kitomönye kupurchï Tororöt pich könyisok kunkïtï wïngutyononi, wölo köngongchï ye Tororöt kiyoktoghï cho tïlilöch nko werkoykachi.


Nyini kuwany kïsoghöy, kïpotan atoni kinyoryeghö chane. Kenyïghit chane Mïkulögh nyo Tïlil, akïngalan ngölyonto Tororöt ompö nyakanat.


Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.


Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.


Ngölonöy Mïkulöwu ECHOTYON kuwerwanïn, ongölonenan ngölyontenyi nyo mwowanïn.


Tororöt pö Apraam nko Isak nko Yakopo Tororöt pö papotïnecho nyo kegh, Mötworintenyi Yeso kwororit. Yeso nyo Kyotötekwa ataghakwa nyinte ompö tawu Pilato, otinö kimököy Pilato kutyoku nyinte.


Kuyokyï Yoana chane lö, “Memuchönye chi ntökïtach kïgh kïpoto ato tö Tororöt.


“Orip kegh ompöwölo kipokwa ka kirwok, Kïmungonekwa kori sowut. Oghyongonekwa tawu kirwokot nko pöytoghï akwompö ani, atomchinö chane ngalechan.


Orip kegh, ompöwölo pkonöy pich cho nömokwa akumïtyokwa ka kirwok, mungokwa chane ompö korikwa pö sowut.


Wölo kinyïghitate Mïkulögh nyo Tïlil Stepano, kuros yïm akïsïwa ororyo Tororöt nko Yeso nyo kighyongo ewu tagh nyo pö Tororöt.


Kungwïryel Stepano pïchay lapay kimpuröy Kokwö, kïsïwa tokochunyi lö kilata tokochu malaykayan.


Wïchtoy chi werïngwa kepar akï wïchtoy papo tïkwïl montanyi. Pusyini monïngö yiyikwa akïwïchtö chane kepar.


Wölo kïtömö kwighisyö ngalechoni kïnömokwa akechopokwa kong. Atolapay ketötokwa tökerwokwok ompö kori sowut aketorchok chela. Kimïtinokwa tawu pöytoghï nko yetïntin akwompö kaynenyan.


Swiv nou:

Piblisite


Piblisite