MARKO 12:37 - PIPÏLIA

³⁷ Kuro Daudi nyinte Kristo ‘Echotyon,’ kï kalïkwï Kristo werïnyi lö ne?” Kimi pich cho chang kïteröy ngala Yeso ompö ngörekyö.

MARKO 12:37 Referans Kwoze

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

RUMI 9:5

Kipkana chane ara pipö Eprania cho tokunote. Akungwïna Kristo pichoni ompö ara por. Nya kïsala Tororöt nyo pöyu tïkwïn löwïr kokay. Amen.*

YOANA 12:9

Kilïm söpïch pö pipö Yaudi lö kimi Yeso Petaniya, kïpa nyu wöloni, melö tökïsïwa Yeso onkït, wölo tökïsïwa Lasaro tïkwïl nyo kigh Yeso kututï.

LUKA 21:38

Kingetöy pich otini le kiwasan kïpetöy Kö pö Tororöt kïteröy ngalechi.

LUKA 19:48

Wölo kimönyorïcha ore nyo tïgho, ompöwölo kipïrchï pich kïter ngalechi lödo.

MATAYO 21:46

Kïmach kïnam nyinte wölo kiwagh chane söpïchis, ompöwölo kikikuyit chane Yeso lö werkoyon.

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

MATAYO 11:5

Kerosïta chepkarotonoy akïpesïta pich cho ngwolsot, kakesop pich cho amate psenkwet, kalïm ngal cho le cheminytin, kakigh cho kökimeghö kututï akyomchï mey Lökoy cho Karamach.

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

MATAYO 21:45

Otini kiter tïsï cho echön nko Parisaytin* körkeyïntinechi, kunkïtï lö kingölono nyinte chane.