MARKO 11:18 - PIPÏLIA

¹⁸ Kïlïm tïsï cho echön nko koneti kirurut ngalechoni, kïyar wölo pörtoy Yeso. Wölo kuwagh chane nyinte ompöwölo kitöngönchï söpïch kïmïkul kinetutkachi.

MARKO 11:18 Referans Kwoze

MATAYO 7:28

Otini kiwany Yeso kïmwa ngalechï, kïtangany söpïchoni kilïm wölo kinetïta nyinte,

MARKO 12:12

Kimököy kintöghoghi pipö Yaudi kïnömöy, ompöwölo kinkïtï lö kiparta körkeyïnoni chane, wölo kïpïstö akïpechï kegh, ompöwölo kiwagh tuyot.

IGHISYEWUT 24:25

Wölo otini kimi Paulö kuletöy tagh kïngölono ngala rangata kegh nko kingwïnata asispa Echotyon ato itu kurwokini pöghisyewut pö pich, kuwöghisyö Peliki kïlö, wïyö nyi nyu. Okurinyi ngat ato osïkön pöroyin.

YOANA 7:46

Kuyokyï chane lö, “Möminye chi nyonikïny nyo kikïngalan le chichoni.”

LUKA 20:19

Kimukyï koneti kirurut nko tïsï cho echön kïnam Yeso ompö atoni, ompöwölo kisöwï lö, kingölono körkeyïnoni chane. Wölo kimemïcha kïnam ompöwölo kuwagh pich.

LUKA 19:47

Ompö osiswechoni, kinetisyeghö Yeso Kö pö Tororöt osis löwïr. Kïmach tïsï cho echön nko koneti kirurut kïpar nyinte kimach tïkwïl lenyoni pich cho echön ompö korononi.

LUKA 4:22

Kïsöwintönchï chane tïkwïl lö, pö man ngalechï, kïtöngönchï pïchay ngala pöropchö cho kïngalan nyinte. Akïtep kegh lö, “Möweronye Yosep nyete so?”

MARKO 11:32

Wölo ato kïlecha kingwïna pich?” (Kuwagh chane pich ompöwölo kikït pich lapay lö werkoyonto man Yoana.)

MARKO 6:20

Kiwöghöy Erode Yoana ompöwölo kinkït lö chi pö man nyinte aki chi nyo tïlil, kïlenyona kïrip nyinte lasiny tömökïrïm. Kichömöy kïteröy ngalechi ompö ngörekyö kïrkegh kisusöy söpontanyi ngalechoni kilïmo Yoana kïtenö osis.

MARKO 3:6

Kïlïtöy Parisaytin* sany, akïpa kutuyö kegh nko pipö Erode, akïtat wölo tïghtoy Yeso.

MARKO 1:22

Kïtangany pich cho kilïm kinetutkachi, ompöwölo melö kinet le wölo kinetïtoy koneti kirurut, kinet le chi nyo kitïng owesyö.

MATAYO 21:15

Kinörekyö tïsï cho echön nko koneti kirurut otini kisïwa tïkuchini pö töngönchin kighöy nyinte kimi monïngö kïtumöy ompö Kö pö Tororöt kïlentöy, “Nya kïsala Wero Daudi!”

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

1 PÖYTOGHÏ 22:18

Kïlenchï Aap Yeosyapat, “Olentan komwowunyi lö möngorönye chichï kïgh nyonikïny nyo karam ompö ani, kïpoto nyo gha onkït?”

1 PÖYTOGHÏ 22:8

Kuyokyï Aap lö, “Mito akong nyo kïkuro Mikaya wero Imla, wölo lilanïn kïgh nyinte nyoman, ompöwölo möminye kïgh nyonikïny nyo karam nyo ngoröy nyinte ompö ani, ngorchinanïn nyinte ngal cho ghach.” Kuyokyï Yeosyapat lö, “Ewo, pöytoghin memwoghöy lenyona.”

1 PÖYTOGHÏ 21:20

Nyini kisïwa Aap Eliya kïlenchï, “Heywey kenyorwaninyi punyontenyu?” Kuyokyï Eliya lö, “Owöy kangwïnan, atenyorunönyi chïpöto ECHOTYON ompöwölo kitötenyi kegh igh ngokï ompö tawu ECHOTYON.

LUKA 2:47

Kitangany pich tïkwïl, cho kiteröy ompö pköchintanyi nko wölini kiyodoy nyinte teputchay kïlïkwï.

YOANA 7:1

Otini kiwany ngalechoni, kïwö Yeso kutang Kalilaya. Melö kicham nyinte kuwerata koro Yudea, ompöwölo kimi pipö Yaudi kïmöröy nyinte ompö wöloni atökïpar.

YOANA 7:19

Kimökonokwanye so Musa Kirurut. Kï kölö ne tomökekwa opöranïn?”