MARKO 11:17 - PIPÏLIA

¹⁷ Atolapay kunet chane lö, “Kïchï mekiratnye so lö, ‘Kïkuro Konyan kö pö saghat* nyo pö pich lapay?’ Wölo kawaghakakwa kïlïkwï köpöno mosï!”

MARKO 11:17 Referans Kwoze

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

YEREMIA 7:11

Ayo, kalïkwï so köyï kïkurtegho kaynenyan köpöno chorï? Molenchï kegh mosïwïyanye kïgh anka tïkwïl nyo oghekwa.

LUKA 19:46

Otini kiyonsïyi kilenchini chane, “Mwoghöy Kikirut lö, lentöy Tororöt, ‘Lïku Konyan kö pö saghat.’ Wölo anyï kaghakwa ye kïlïkwï köpöno mosï.”

YOANA 2:16

Kïlenchï pïchoni kyoltoy chepïrïmtin, “Opö tïkuchï kïngeta yi, moghöy koto Paponyan kïlïkwï wölo kigho mïnchïrïsnön!”

OSEA 12:7

Karkegh pipö Epraim nko mïnchïrsyon nyo pöghisyegho ratilin cho lïso pich. Chömöy kïpïröy pich.

ISAYA 60:7

Kïropkokwa kechir löwïr cho pö koro Kedar, oghekwa mökol cho pkono Nepaiot kïlïkwï amörostin, cho chömöy ECHOTYON. Minöy nyu ECHOTYON Konyi kïsïch ororyö nyo wow.

MARKO 11:16

akimöchömchïnye chi anka tïkwïl kwip kïgh kiweghö Kö pö Tororöt.

YOANA 2:14

Otini kilït Kö pö Tororöt, kïtuyeghö pich cho kyoltoy eghin nko kechir nko chepïrïmtin akimi tïkwïl pich cho kiwöghököy ropïyen cho kimpuröy ato lekïto mesenikwa.