12 Asïyechu otini kipkono Petaniya kusut Yeso.
Kinkït nyu Yeso kïngeta atoni lö kikwitïta laras tïkwïn tïkwïl atökegh Kikirut kïrumï lö man, kïlö, “Kamanïn maral.”
Kikany kïkïrur Yeso osis tömönut angwan, nangat nko pöghet, kwam kömöy.
Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.
kïtyama Onyötö nyinte wölini ompö osis tömönut angwan. Akïmamnye kïgh nyonikïny osiswechoni löwïr, kwam kömöy lötuto osiswechoni.
Kïsöchï moköngwö wölo low nyo kilumate sökö. Kïwö kutang ketay lö, tonyorï akwa wölo nyini kitïta ketay kïmökïnyorïnye kïpoto sökö, ompöwölo kïtomönye kwitïta ato yinöy makany.
Otini kini chane kuwerotoy aranay tökwoghö, kïsïwa moköngwonay kiyam kïyamta ighin.
