MARKO 10:39 - PIPÏLIA

³⁹ Kuyokyï nyinte lö, “Ay, kimukecha.” Kïlenchï Yeso, “Owöy omukekwa ogheghone kikompa nyo ogheghtonan, akepatisanakwa le wölini kipötisöntonanïn.

MARKO 10:39 Referans Kwoze

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

IGHISYEWUT 12:2

Kïpar chok ompö Yakopo werto ompö Yoana.

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

YOANA 17:14

Kyanetan chane ngaleku, kurey ngwïnya chane, ompöwölo möpöcha chane ngwïny, le wölini mopoyanye ngwïny.

YOANA 15:20

Anana ngölyontonay kyomwowokwa lö, ‘Möminye mötworintö nyo wow kïsir echotyontenyi.’ Ato kichopanïn chane kong, kuchopokwa kong tïkwïl, ntökiter chane ngölyontenyan, kötöteröy nyinkwa tïkwïl.

YOANA 13:37

Kïtep Petro lö, “Echotyon, ompö ne tömomukan orïpinyi otï le ye? Omitan kïpsach amegh nko nyi!”

MARKO 14:36

Kïsagh lö, “Ato muko, Paponyu, ichengena kölowonï! Mukisot tïkwïn lapay ompö nyi. Wölo melö ompö machatenyan, wölo ompö machatengu.”

MARKO 14:31

Kïlo Petro ompö chïrimnyö, “Kïrkegh kölïku meghe, kïmomukanye ntatagh lö, monkïtinyinye.” Akïmwa kinetanka chunö walaka löwïr lenyini.

MATAYO 10:25

Nyo mïchini kinetan kïtöpö le konetintenyi, kïtöpö mötworintö le echotyontenyi. Akwoto kurö chane chito kot, Pelsepul,* kïmïnchini nyu chane, moneko köyoni kaynötut cho ghach tya.

MATAYO 3:6

Kïnganyta chane ngokikwa, kupatisan Yoana chane ompö lalwa Yordan.