MARKO 10:37 - PIPÏLIA

³⁷ Kuyokyï chane lö, “Konecha kïtöpö chi akong ompö acha ewungu nyo pö tagh kïtöpö anka ewungu nyo pö löt ompö Paytaghto ororyengu.”

MARKO 10:37 Referans Kwoze

MATAYO 19:28

Kïlenchï Yeso chane, “Omwowokwa nyoman lö ato ngwïn Wero Chi kïtöpö ngacharunyi pö paytagh ompö ororyenyi ompö kor nyo rel, apkanakwa nyu cho orïpanïn kï taman nko odeny ompur tïkwïl ngöcherwo paytagh arwokyï ortïna pipö Israel kïtaman nko odeny.

LUKA 24:26

Kimömïchïnye so Kristo* kuwongwï lenyoni kïtomö kïlït ororyenyi?”

MARKO 16:19

Otini kiwany kïngölonöy Echotyon Yeso nko chane, kep nyinte kutang yïm akïtöpö okumpö tagh nyo pö Tororöt.

TUMWÖY 110:1

Mwochini Tororöt echotyontenyan pöytoghin lö, “Töpenö ewunyan nyo pö tagh tökïtenö otönön punköku moriku.”

1 PETRO 1:11

Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.

MARKO 8:38

Chi anka tïkwïl nyo lolïyonöy ompö ani nko ngalechan ompö tawu pïchï pö osiswechï le kalomok akïmwokïyis, kïlolïyonchini tïkwïl Wero Chi chane ato ngwïn nko ororyeto Kwanta kïmi nko malaykeni Tororöt cho tïlilöch.”

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,

1 PÖYTOGHÏ 22:19

Kïlö Mikaya, “Tera ngölyonto ECHOTYON ngat! Kyasïwan ECHOTYON kïtöpo ngacharunyi ompö yïm nko malaykenichi löwïr cho kighyongöy kuwit nyinte.

TUMWÖY 45:9

Kor walaka cho mi katangu kï tipö pöytoghï, kughyongo koko pöytoghin ewungu nyo pö tagh nyo kimina kegh kari koltin cho pïchighöch.

MARKO 10:36

Kïlenchï Yeso, “Ne kitö nyini oyörekwa oghwokwa?”