MARKO 10:22 - PIPÏLIA

²² Nyini kïlïm chichay ngalechoni, kïma mu, akïwö kïnörekotoy ompöwölo ki sïkön nyinte nyoman.

MARKO 10:22 Referans Kwoze

LUKA 12:15

Atolapay kïlenchï pïchay löwïr, “Wechara! Oripö kegh pïrchinogh pö tïkwïn. Ompöwölo molenchï kegh lö köromitu tya söpon pö chi ato tïng tïkwïn cho chang.”

2 TIMOTEO 4:10

Kicham Dema ngala ngwïnyinï akikïpïstanïn kïwö kutang Tesalonike. Kïwö Kreske kutang Kalatia, kïwö Tito kutang Dalmatia.

EPESO 5:5

Onkïtï nyoman lö, möminye chi nyo le cheporesyan anta nyo le sïmnyon anta nyo pïrchini tïpö pich (ompöwölo pïrchin kï saghata körkeyïntin), nyo nyoru kïgh ompö Pöyunöto Kristo nko nyo pö Tororöt.

ESEKEL 33:31

Akïpkonöy wölo imitenyi le ato pkonöy pung, akïtïpï tawungu le piköchan akïter ngal cho imwoghenyi, wölo melö ighöy ompöwölo poru ompö kutïwekwa lö chomöy, wölo sis wölo mi mïkulöwekwa.

2 KORINTO 7:10

Ompöwölo ipu kiwongunötö nyo pöghisyegho Tororöt waghakata mïkulögh, waghakat nyo ipu sörunöt akï möminye otyogh ompö nyoni! Wölo ipu kiwongunöto ptangengmöt meghat.

LUKA 18:23

Wölo otini kilïm chichay ngalenchoni, kïwurön nyoman ompöwölo ki sïkön nyinte.

MATAYO 19:22

Otini kilïm mïrönonay lenyoni kïma mu, kïwö ompö nörekyö ompöwölo ki makos nyinte nyoman.

MATAYO 13:22

Kïkany kösïghe chinö kichïnchï kwenu kato, kïkarkegh nko chi nyo lïmöy ngölyonto Tororöt, wölo otini ketï sïngut pö ngwïny nko chamata sïkönöt kwam nyu ngölyontonay, amelö kitö kuyin akwa.

MARKO 6:26

Kwotyö nyoman pöytoghintonay. Wölo melö kitökumï kïtagha chepay, ompöwölo kiwolwolutkachi cho kiwalwala tawuto toyechi lapay.

MATAYO 27:3

Nyini kisïwa Yudas nyay kiwïchtö Yeso lö kikerwokyï Yeso kïma, kwotyechï kegh akuyoda kerpeschay le tömönut sömök kuyokyï tïsï cho echön nko poyi pipö Yaudi.

MARKO 6:20

Kiwöghöy Erode Yoana ompöwölo kinkït lö chi pö man nyinte aki chi nyo tïlil, kïlenyona kïrip nyinte lasiny tömökïrïm. Kichömöy kïteröy ngalechi ompö ngörekyö kïrkegh kisusöy söpontanyi ngalechoni kilïmo Yoana kïtenö osis.

MARKO 10:21

Kuros Yeso nyinte akïngölonchï nyo karam kïlenchï, “Köngötunyi kïgh akong, wïyö altena tïkuku lapay cho itïng aitö mey tenyorunö sïkönöt ompö yïm, atolapay ingwïn irïpkanïn.”

MARKO 10:23

Kuros Yeso wop lapay akïlenchï kinetankachi, “Ochï aghïgh nyoman kïlït sïkönö Pöyunöto Tororöt!”