MARKO 10:18 - PIPÏLIA

¹⁸ Kïlenchï Yeso chichay, “Ompö ne tekurenaninyi lö karam? Möminye chi nyo karam kïpoto Tororöt onkït.

MARKO 10:18 Referans Kwoze

LUKA 18:19

Kuyokyï lö, “Ompö ne temwaghanyi lö chan karam? Möminye chi nyo karam kïpoto Tororöt onkït.

MATAYO 19:17

Kïlenchï Yeso, “Ompö ne tetepenaninyi kïgh nyo karam nya? Möminye nyo karam kïpoto Tororöt. Ato imökenyi telïtö söpon ikaman kirurut.”

1 YOANA 4:16

Kinkïtöcha akeghönecha chomnyogh nyo tïng Tororöt ompö acha. Tororöt kï chomnyogh, akwanka tïkwïl nyo möngisïyi ompö chomnyogh kïmi orito Tororöt, akïmi Tororöt orinyi.

1 SAMWEL 2:2

“Möminye anka nyo tïlil le ECHOTYON, möminye nyo körökegh nko nyinte, awes Tororötïncha le ghat.

RUMI 3:12

Kikïmostoy pich löwïr, kikïlel chane löwïr. Möminye nyo le ompö akonga nyo ighöy nyo karam.”

1 YOANA 4:8

Akwanka tïkwïl nyo mötïngnye chomnyogh, kïmenkïtnye Tororöt ompöwölo Tororöt kï chomnyogh.

YAKOPO 1:17

Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.

TUMWÖY 119:68

Ichinyi karam aighenyi nyo karam! Netante kikirutköku.

TUMWÖY 86:5

Ichinyi karam, we Echotyon, ailöstoghchini pich ngokï akï wow chomnyengu nyo pö kokay ompö pich löwïr cho soghinyi.

TUMWÖY 145:9

Karam ECHOTYON ompö pich löwïr akusyonchini nyinte tïkwïn cho kigh.

MARKO 10:17

Otini kimi Yeso kïnopöy kegh kïwetöy rutoghtanyi, kurïpï chi akïkïtïngö tawunyi akïlenchï, “Oghan ne tosïkön söpon pö kokay nya konetintonï karam?”

MARKO 10:19

Inkïtönyi kirurut chay lentöy, ‘Mepörisyö, megh cheporesnan, mechorsyö, mesöwintönchï putintön, melïsisyö, itech kon nko komöt.’ ”