26 Kutimtim oy chichan tya akuta, atolapay kungwïna nyinte.
Kutegh oyintonay akïwirchï monïngay ngwïny, atolapay akïpïstö nyinte le chi nyo kima tökïlö pichi walaka tïkwïl, “Kikïma!”
Kemïtï nyinte wölo mi Yeso. Nyini kisïwa oyintonay Yeso kulï monïngay kungïrngira akupelpel ngwïny kungwïna pïchan kut.
Wölo ato ngwïn chï anka nyo awes kïtïl nyinte akïporyeghö ntökïrïnta chichay, kïsöro karichay pö lïk ketwoytoy kegh, atolapay kïchengchï kegh tïkuchay pö chi.
Akwotini kitökungwïnöy monïngay kïwirchï oyichay nyinte ngwïny. Kuteghchï Yeso oyichay akusop monïngay akuyokyï kwanta.
Nömöy mïkulögh nyo gha nyo ighöy nyinte kuta akïnyini kïwirta kupelpel ngwïny ntökungwïna tankararyanta kut, chopöy nyinte kong amöngetonye lawel.
Kupkong Yeso lö, “Sisa aingetunö chichï!”
Kïtangany pïchay löwïr akutor kïtep kegh lö, “Kïgh ne nyï? Kinetut cho sis? Cho tïng owesyö nyo muköy kuteghchinegho oy akïterchï oy!”
