MALAKI 3:2 - PIPÏLIA

² Wölo, ekïngo nyu köny nyo köngöy asisoni ngwïnöy nyinte? Ekïngo nyo lentöy oghyongöy, akany otini chumu nyinte? “Karkegh nyinte nko ma nyo ngwan nyo pelöy nyïngwïtyan ntökïyï karïn akï karkegh nko sapuni nyo kiwunö sïro.

MALAKI 3:2 Referans Kwoze

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

ISAYA 4:4

Rwokyini Echotyon akutïlil piko kanasyantenyi akuwun sïmnyonto Yerusalem nko kisön cho kikïmïltegha orinyi.

NGONGUT 6:17

Ompöwölo kikwitïta asistanyi nyo wow nyo pö nörekyenyi, ngo nyu nyo köngöy kughyongtö?”

LUKA 21:36

Wölo, otöpï kïpsach kïnomnyö asagh tochïwïtyeghenö tïkuchoni pkonöy löwïr, amuch oghyongö tawu Wero Chi.”

TUMWÖY 2:7

Lentöy pöytoghintö, “Omwotïtonan ngölyonto ECHOTYON, Kölenchanïn nyinte, ‘Ichinyi Werïnyan, ochan papongu nyo koyiyinyi ye.

LUKA 3:17

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

LUKA 3:9

Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma.”

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

NGONGUT 2:23

Opöran pich löwïr cho le rïpankachi atökunkïtï kanisen löwïr lö onkïtön kinonut pö pich löwïr nko mïkuliskökwa. Oghokyinan chi anka tïkwïl ompö chane kïrïp kegh nko ighisyewukachi.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

YOANA 8:55

Tomönye onkïtunökwa nyinte, wölo onkïtön nyinte. Ntökamwaghan lö monkïtönye nyinte, kötochan putin, le akwa. Wölo onkïtön nyinte arïpan ngölyontenyi.

LUKA 2:34

Kusoyön Simion chane akïlenchï Marya, yoto monïng, “Rose, kikïl Tororöt mönïngï kïlïkwï macheypa kipotöt nko sörunöto pich cho chang ompö Israel. Lïku nyinte kiporunöt nyo ngwïno wölo mi Tororöt nyo mölomölo kegh pich cho chang,

YEREMIA 2:22

Kïrkegh wunenö kegh paryan anta sapuni nyo wow kïtya, möngetonye kokay sïmnyonto ghöyityengu tawunyan. Mwoghöy Echotyon TORORÖT.

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

MATAYO 25:10

Kïnget tipichay le sölwöy kïpa kwal mwagh akwotini kitökïmi wölini, kwitï chi pö kensyö. Kïpa tipichinö kimi kïpsach nko nyinte kïlïtöy kö pö kensyö atolapay kekar kukat.

MARKO 9:3

kukwerkwersyö sïrokachi kïrelachitu löpöt, nyo kimöminye mwötin ngwïny nyo kimuköy kïmwat kïrelachitu le choni.

ESEKEL 22:14

Tetïngetenönyi nyakanat nya anta tetïngetenönyi owesyö nyo iporyot ompö asisini koporyegheninyi? Ani ECHOTYON nyo kamwagh, aghan lenyini.

NGONGUT 19:8

Kikïchömchï Tororöt mïraranoni kulach sïra katani nyo pïchigh nyo kwerkweröy.” (Sïranoni pö katani pïchigh kuporu ighisyewut cho karamach cho kighöy pö pipö Tororöt.)

NGONGUT 7:14

Olenchan, “Monkïtönye echotyon, nyi nyo inkït.” Kïlenchanïn, “Pïchï chay kiwer kiwongunöt nyo ngwan. Kimwata chane sïrokökwa kisön pö Wawa Kech kïrelachitu.

LUKA 7:23

Akusoyönote chi nyo mötïngnye tomtomönöt ompö ani.”

1 SAMWEL 6:20

Kïlö pipö Pet Syemes, “Ngo nyo muköy ngalechï pö Santuku Muma ECHOTYON, Tororötnï tïlil? Akïngeto yi kïwetöy wölo mi ngo?”

TUMWÖY 76:7

Nyi onkït, we ECHOTYON nyo kiwöghöy, möminye chi nyo ghyongo tawungu otini kenyalenyi.

TUMWÖY 130:3

We ECHOTYON, nteyitenyi aikir ngokicha, kö ngo nyo köchïwïto kirwokengu?

NGÖTÏNYÖ 25:4

Mwatïteghena silpa sïmnyon, atökwigh kitongintö kölöwö nyo tïlil,

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

DANIEL 11:35

Potyot nyu pïchay ngöghomöch walaka atöketïlil pich akemwat akegh chane kïrelachitu ntökwitïta asispa söröm ompöwölo tomönye kwitïta asisini kikekïl.

YOEL 2:11

Ngölono ECHOTYON lïkenyi, ompö kut nyo wow. Ompöwölo wow lïkenyi nyoman, meyitisyotcha chini rïpöy ngölyontenyi. Wow asispa ECHOTYON akï pö otyogh, ngo nyo lentöy oköngöy?

NAUM 1:6

Otini kanarek ECHOTYON, ekï ngo nyo lenchini kegh ongötu? Ngo nyini lentöy oköngöy sïngiryenyi nyo ngwan nya? Mïlu kegh nörekyenyi le lyopöt pö ma, pespesöy ghatoy kïlïkwï terït le kwïle.

TOWUNÖT 19:28

Kïtopön nyinte wölnö porö pörtoy Sodoma nko Komora nko mpöghoghye kïmïkul wölanye kimöngöy Lot, kïtöngönchï kïsïwa wölini kipusta ighöt, nyo kikarkegh nko igho ma nyo wow.

AYUPU 28:1

“Mi pïrïm nyo kïwöso silpa akïmi wölo kïmwöto koltin.