MALAKI 2:2 - PIPÏLIA

² Mïchini okonyïtanïkwa ompö kïgh anka tïkwïl nyo oghekwa. Mwoghöy ECHOTYON Kimuktoghin. “Wölo ato materanïkwanye, ochïpokwa. Akyochïpokwa ompö nyete le ye, ompöwölo melö kyayangakwa ngal cho kyomwowokwa.

MALAKI 2:2 Referans Kwoze

NGONGUT 14:7

Kïmwa nyinte ompö kut nyo wow lö, “Okonyïtö Tororöt, asal töroryenyi! Ompöwölo ketïta ato rwokyini nyinte pipö ngwïny. Asagha nyinte nyini kigh yïm nko ngwïny wölo tïyame nko nanam nko kori pöghon!”

LUKA 17:18

Kölö ne tökïlïkwï chichï le ton onkït nyo kamïla kuyokyï Tororöt sörö?”

TUMWÖY 69:22

Nya kïlïkwï ichontinekwa ngöghöp, nko lïs ompö kongotikwa.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

MALAKI 3:9

Kikechïpokwa ye nyu nko kore kïmïkul ompöwölo kachoranïkwa.

ESEKEL 3:7

Wölo melö terunyi pipö Israel ompöwölo melö chomöy kïterwanïn oghïghe mötöwöy chane akunowunot.

NGONGUT 16:9

Kïpel pich mayay kïchirkönisyö porwöy. Kumwa chane kaynata Tororöt nyini tïng owesyö paraku kinyörilutchoni. Wölo melö kikötö akïpïstö ngokikwa akukus owesyo Tororöt.

AKAY 1:9

“ ‘Kyokönekwa lö kilöy pagh cho chang, wölo olökwa cho ngörï. Kïkany paghechini kyopukwa kaw, akutïtan kïpa lö weng. Ompö ne taghan lenyoni? Ompöwölo kirul Konyan le nyï, kïmi chi anka tïkwïl ompö akwa kïsïngo konyi.

AKAY 1:6

Kyangorakwa pagh cho chang, olökwa cho ngörï, omisïyekwa amesokwanye tïkwïn, ogheghekwa dipay* amömïchinokwanye. Olokekwa sïro amölölöngchinokwanye, akï kutïtoy kïgh ropïyeni chi anka tïkwïl nyo nömöy ropïyen.

YEREMIA 34:17

Kïlenyona omwoghan ante ECHOTYON lö, ompöwölo mokonyïtökwanye ngölyontenyan nyo komökenokwa atyaka pikökwo cho le sekey. Kanya nyu atyakekwa tïkwïl, owonyenö nyu ompö ngot nko sömew nko kömöy. Oghokwa pich cho ato sïwa pipö koros löwïr kwotyö.

ISAYA 57:11

Mwoghöy ECHOTYON lö, “Ngo tororötinechï otyeghonokwa ntökwighakwa omwowanïn ngala putintön, awutyeghenanïn. Kowutyeghekwa so okonyïtanïn ompöwölo kasisan nyo kogh?

ISAYA 47:7

Kinonchinyi kegh lö olïku pöytoghin kokay, ntökupölinyi nonchinö mïkulöwungu anta inonchï kegh wölo lïku sörömuto ngalechoni.

ISAYA 42:25

Nka nyoni kimungenecha sïngiryenyi, akwighecha kewongunenö owesyo poryot. Kimïlchï koro Israel kïmïkul nörekyenyi nyo nöghöy le ma, wölo melö kipköchecha lö ne nyo kigha amenetechanye ngölyontononi kïgh nyonikïny.

YOSWÖ 7:19

Atolapay kïlenchï Yoswö Akan, “Werïnyu, mwagha man ompö tawu ECHOTYON Tororöt pö Israel aimwowanïn lö ne nyï keghanyi amewïngenanïn.”

NGÖTÏNYÖ 3:33

Mi chïpöto ECHOTYON kö pö mwokïyon wölo soyönöy nyinte möngo chi pö man.

MALAKI 2:1

“Kïlenyona ye nyu, akwa tïsï, anyï ngölyon nyo omwowokwa: