MALAKI 1:10 - PIPÏLIA

¹⁰ Mwoghöy ECHOTYON Kimuktoghin lö, “Opï kakar chi akong ompö akwa kukoti Kö pö Tororöt* atömemï chi kuna ma nyo pö kwïle ompö ato kïpelo amörosechan. Melö ongörökyinekwa amelö otokan ropöw cho opkanïkwa nyonikïny.

MALAKI 1:10 Referans Kwoze

1 PETRO 5:2

ayakwïya lasiny kechiryo Tororöt cho mi morikwa, ompö chamatenkwa kegh amelö ompöwölo mi chi nyo köyumchokwa agha lenyoni. Amagh pöghisyononi, lö tökesïkenö ropïyen wölo ompö mïkulöwunkwa kïmïkul.

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

OSEA 5:6

Petöy chane nko okwotkökwa cho pö ngaror nko tïch kïyöröy ECHOTYON, wölo mönyorucha nyinte. Ompöwölo kikusïrar kegh nyinte nko chane.

YEREMIA 6:20

Pö ne kepkanïn tïkuchay ngutoy cho onyïn ompö koro Syepa, nko mankoy cho ngwïrngwïr cho opunokwa kor nyo low nya? Kataghan ropöwekwa, amömïlanïcha amörostinekwa.

YEREMIA 14:12

Kïrkegh kïkïrur, moterchinanye sowutkökwa akï kirkegh kïpelwanïn amörostin anta ipkanïn ropöwo pagh, motokanye kokay. Wölo owongan chane ompö ngot nko kömöy nko sömew.”

YEREMIA 8:10

Kïlenyona, otöninan korukwa pich walaka, otöninan tïkwïl piko walaka parenikwa. Ompöwölo köromchini tïpö lïs pikö cho echön nko cho mïnkech, pöghisyegho putintön chini le ompö tïsï nko werkoy.

EPRANIA 10:38

Wölo möngöy mötworintenyan nyo tïlil ompö kighanat, wölo ato mïla nyinte löt, kïmongörökyinanye nyonikïny.”

PILIPI 2:21

Sïngo pat pikö walaka ngalekwa kegh nyinö kötö sïngo ngala Yeso Kristo.

1 KORINTO 9:13

Monkïtökwanye so lö nyoruno pich omisyengwa Kö pö Tororöt cho pöghisïyi ompö Kö pö Tororöt,* akïtïng ngat pich cho ipu ropöw cho kïpelo watwa amöros karerantangwa ompö ropöwechoni?

YOANA 10:12

Ato sïwa chi suyon kungwïnöy nyo melö mösöwon amelö chechi kyaki, kïpïstoy kechiryechoni akuperta. Kungwïn nyu suyontononi kïnam akutoyö kechirye.

YEREMIA 6:13

Pïrchini chane löwïr, nyo mïnïng nko nyo wow, kïnyorï tïkwïn ompö or nyo merokonye. Kalïkwï chane löwïr lïsï, werkoy nko tïsï.

YEREMIA 14:10

Lentöy ECHOTYON ompö pïchete, “Wechï chömo kegh pïchete kïpegho wölo omitan, menkïtcha kïrip kegh. Kïlenyona mochömanye chane. Ononan ghöyïntöngwa, amungön chane ompö ngokikwa.”

MALAKI 1:13

Omwoghekwa lö, ‘Ne chï ngale kesusecha kyoghochenö le nyï!’ Atolapay asïngwïltanïkwa. Kopkanïkwa kyaki amöros cho pö chorsyö nko cho ngwolsot nko cho tongunote. Olentekwa so otokan kyakichoni? Mwoghöy ECHOTYON.

MALAKI 2:12

Nya kunategha ECHOTYON pich cho ighöy lenyoni ompö kwenu pipö Israel. Mömïchininye pich cho lata choni kepïsï kutötö söwintön akwipchï ECHOTYON Kimuktoghin amöros anka tïkwïl.

2 PÖYTOGHÏ 12:6

Wölo melö kökitek tïsï köyay pö ECHOTYON wölo köpïn ntökwitïta könyi tömönut odeny nyo pö paytaghpa pöytoghin Yoas.

NGÖTÏNYÖ 15:8

Ghöchini ECHOTYON amöros pö mwokïyon wölo ngörökyini saghata pich cho tïlilöch.

MALAKI 2:13

Anyï kitö anka nyo kaghakwa. Kolokyekwa, anyïghit lokekwo ato kïpelo amöroso ECHOTYON ompöwölo melö tökïyongöy amelö tökïtoköy ropöw cho opchinekwa nyinte.