LUKA 9:48 - PIPÏLIA

⁴⁸ akïlenchï pïchay, “Anka tïkwïl nyo toköy monïngï ompö kaynenyan, kïtokanïn akwanka tïkwïl nyo tokanïn kïtoköy nyinte nyini kiyokwanïn. Ompöwölo anka tïkwïl nyo mïnïng tya ompö akwa löwïr, kï wow nyoni kïtïl.”

LUKA 9:48 Referans Kwoze

LUKA 14:11

Ompöwölo chi anka tïkwïl nyo syolöy kegh kerekuno, kïnyïl anka tïkwïl nyo reytegho kegh, kesyolöy.”

1 PETRO 5:6

Amïnïngita kegh nyu ompö kelyo Tororöt nyo awes atökïsyolok nyinte ato itïta asistanyi.

LUKA 22:26

Wölo mölenye nyoni ompö akwa, ompöwölo chi nyo wow ompö akwa kïmïchini kumïnïngit kegh. Kïkany nyo le kintöghoghin kïmïchini kwigh kegh le mötworin.

YOANA 13:20

Omwowokwa nyoman lö, chi anka tïkwïl nyo toköy chi kïtïkon nyo oyontonan, kïtokanïn tïkwïl akwanka tïkwïl nyo tokanïn, kïtoköy nyinte nyini kiyokwanïn.”

LUKA 10:16

Kïlenchï Yeso kinetankachi, “Chi anka tïkwïl nyo chömöy ngalekwa, kïchömöy ngalechan, akwanka tïkwïl nyo töghokwa, kïtöghanïn tïkwïl, akï nyo töghanïn kïtöghöy Tororöt nyinte nyini kiyonwanïn.”

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.

1 TESALONIKE 4:8

Kïlenyona nyu, chi anka tïkwïl nyo sösöy kinetutchoni, kïmelö katagh chi, wölo katagh Tororöt nyo konokwa Mïkulöwunyi nyo Tïlil.

YOANA 14:21

“Chi anka tïkwïl nyo toköy kirurutköchan akïrïp, kï chichoni nyo chömanïn. Akï nyinte nyo chömanïn, kïchömöy Paponyan tïkwïl, achöman angongchï kegh nyinte.”

LUKA 22:30

Omisyonekwa agheghsyö nko ani ompö Pöyunötenyan. Ompurekwa ngöcherwo paytagh atorwokyinö ortïn taman nko odeny cho pö Israel.”

LUKA 7:28

Kuwany Yeso kïlenchï pïchay, “Omwowokwa nyoman lö, wow Yoana kïtïl chi anka tïkwïl nyo kikïyï, wölo chi anka tïkwïl nyo mïnïng tya ompö Pöyunöto Tororöt kïwow kïtïl nyinte.”

MARKO 9:37

“Ato tach chi monïng nyo lata nyï ompö kaynenyan kïkatachanïn akwato takanïn chi kïmelö katakanïn pat wölo katak nyinte nyini keyokwanïn.”

MATAYO 25:45

Yokyini nyu pöytoghinto chane lö, ‘Omwowokwa nyoman lö, le wölini kyataghakwa oghchinö ngalechoni akonga ompö monechï mïnkech, kï kyataghakwa oghwanïn.’

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

MATAYO 19:28

Kïlenchï Yeso chane, “Omwowokwa nyoman lö ato ngwïn Wero Chi kïtöpö ngacharunyi pö paytagh ompö ororyenyi ompö kor nyo rel, apkanakwa nyu cho orïpanïn kï taman nko odeny ompur tïkwïl ngöcherwo paytagh arwokyï ortïna pipö Israel kïtaman nko odeny.

MATAYO 18:14

Kïlenyoni tïkwïl, mömökönye Paponkwa nyo mi yïm lö tepot nyo le ompö akonga ompö monechï mïnkech.

MATAYO 18:10

“Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [

NGÖTÏNYÖ 18:12

Nyoghöy chi kïmenöy kïtomö kïchïnta, wölo nyoghöy tölosyö kïrïpöy konyït.

NGONGUT 21:14

Kighyongo nayatu kanasyantanoni koghi kitoröt cho le taman nko odeny cho kikikirchï kaynötut taman nko odeny cho pö kiyoktoghi Wawa Kech.