53 Kïroröchï chane Yeso, ompöwölo kikikunkïtï lö, kikïma.
Otini kilïm Parisaytin* ngalechoni löwïr, kïsas Yeso ompöwölo kichömöy ropïyen.
Kikïsasacha nyinte aketagh, kimïkukönö nyinte nyarïl nko ngwonïn. Melö kimito chi nyo kilentöy taros nyinte, melö kikiyitöcha nyinte lö kigh.
Kïlenchï Yeso, “Anateghena kada!” Kuyokyï Marta chepto ompö Lasaro lö, “Echotyon kikwararit ato tenö ye, ompöwölo kikïtöpö pïrïm osis angwan!”
Ngemanïn pich löwïr cho sïwïyanïn akunkölchinanïn, akupirpiröy mötöwekwa.
Kirikanïn pich cho roröchinanïn rosöy konyichan wölö lata nyïtatengwa.
Roröchinanïn ye ompö chini le kongotichan, kïrkegh kyasaghan Tororöt akïngitönwanïn. Kalïkwan chi pö kelat nyo ochï chi pö man amotïng lelut.
kïlenchï, “Angete ape! Tomönye kïma chepï kör, wölo rïwöy!” Kïroröchï chane nyinte.
Kilokyot akïrirsot pich akwompö chepay wölo kïlenchï Yeso chane, “Morirsot, tomönye kïma monïngï mi rïwön!”
Kïnam Yeso chepay egh akïlö, “Chepï ngeta.”
