LUKA 8:3 - PIPÏLIA

³ nko Yoan, koko Kusa nyo kile kighyongtoghinto kö pö Erode nko Susana nko koru walaka cho chang cho kikonï tïkukwa kipöghisyechï Yeso nko kinetankachi.

LUKA 8:3 Referans Kwoze

1 TIMOTEO 5:10

akï nyo kikïlïmchini pöghisyewut cho karamach akï nyo kinam monechi nyo karam akïtach to ompö konyi akuwun kelyo pipö Tororöt akungarak cho kitïng kömpölelyö akukil kegh ompö pöghisyö nyo karam.

PILIPI 4:22

Ataka takwespa pipö Tororöt cho mi wöletewöl, ntökïmir cho mi ka pöytoghin.

2 KORINTO 8:9

Ompöwölo onkïtökwa pöropcheto Echotyontenyo Yeso Kristo nyo kïrkegh kitïng nyinte kïgh anka tïkwïl, kwigh kegh meywon ompö akwa atökumï kwighakwa alïkuna sïkön ompö meywontönenyi.

MATAYO 26:11

Mi meyï nko akwa osis löwïr, wölo momitanye nko akwa kïnomnyö.

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

MATAYO 2:11

Kïpa kïlïtöy köyay, kïsïwa monïngay kïmi nko kame Marya. Kïkïtïng akïsagh nyinte, atolapay kutyak mïlotwekwa akutö nyinte ropöw, choni kï, koltin, upani nko manemane.

ISAYA 23:18

Kïpöghisyegho ropïyenichoni löwïr könyorunö mïnchïrïsnön saghata ECHOTYON. Melö kituyot nko kaplawachtin, wölo pöghisyegho pich cho pöghisyechini ECHOTYON ropïyenichoni kwolo omisyewut cho chang nko sïro cho pïchighöch.

1 OTÖPTINO OSIS 29:14

“Momukanye nko piköchan ntokoninyi kïgh, ompöwölo ropöwon kïgh anka tïkwïl nyo ngwïno wölo iminyi. Kökïkonichanyi pat tïkwïn cho köle cheku tagh.

LUKA 24:10

Koruchoni kï ki ompö Marya Makdalena nko Yoan nko Marya yoto Yakopo nko koru walaka cho kimi tïkwïl. Chane cho kipchï lökoyechoni kiyoktoghï.

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

MATAYO 14:1

Kilïm osiswechoni Erode ngala Yeso nyo kile pöytoghinto Kalilaya.

MATAYO 14:3

Ki Erode nyo kïmwatïta kenam Yoana aketorchï chela, kigh lenyoni ompö ngala Erodiya korketo werïngwa Pilipo.

MATAYO 14:6

Kikany ato kimi pich ichonto yiyo Erode, kïpirön chepö Erodiya ompö tawu pich kïmïkul. Kïngarak Erode,

MATAYO 20:8

“Nyini kiröytö asis, kïmwochï chichay pö par kighyongtoghintenyi, ‘Kurö pïchay keghöy kasï para sapipun atetönö chane ropïyenikwa, itoronyi chichinö kötö kungwïnöy iwantegha nyinö kitor.’

MATAYO 27:55

Kimi atoni korï cho chang cho kitopöno wölo low, cho kirïpuna Yeso Kalilaya, kimi chane kïpöghisyechini nyinte.

YOANA 12:6

Kimwa lenyoni amelö ompöwölo kiyongöy nyinte mey, wölo ompöwölo ki chorin, akwompöwölo ki komöninto mïloto ropïyen, akimi kïchoro mïlotononi kïnomnyö.