LUKA 5:30 - PIPÏLIA

³⁰ Kïngwïrngwïronchï, kinetanpa Yeso Parisaytin nko koneti kirurut kïlentöy, “Ompö ne tomisïyekwa agheghsïyi nko kwöghi surï nko mwokïyis?”

LUKA 5:30 Referans Kwoze

IGHISYEWUT 23:9

Kïtasa syalanay kïyetï, kïnget koneti kirurut walaka cho pö okumpö Parisaytin kughyö akïghetisyö lö, “Möminye kïgh nyo kalel chichï manan köngölonchï nyinte mïkulögh anta malaykayan köny?”

LUKA 19:7

Akwotini kisïwa pich, kïngwïrngwïronchö lö, “Kölö ne tökïwö Yeso kïlïkwï tonto mwokïyon.”

LUKA 5:21

Kïngölonchinö koneti kirurut nko Parisaytin akïtep kegh lö, “Akï chi nyo ngölonöy cho mwoghöy Tororöt nya? Chi ngo nyo muköy kïlöstoy ngokï, möpotonye Tororöt onkïtï?”

LUKA 5:17

Kinetisyegho asistanka Yeso wölo kimi Parisaytin nko koneti kirurut cho kipkana kanastin löwïr cho pö Kalilaya nko Yudea nko Yerusalem. Kutö Tororöt Yeso owesyö nyo sopo pich cho kichiryote.

MARKO 7:3

(Ompöwölo rïpöy Parisaytin nko pipö Yaudi löwïr kinetut cho kinyorchï chane poyikwa nyo momisïyicha kïtomö kewun morïn kïrïp kegh nko asïltineko poyikwa.

ISAYA 65:5

Atolapay kïlenchï pich, ‘Amal kegh, marikecha!’ Lenye pïchï ighöt nyo chilchilanïn sörun, lenye ma nyo nöghöy kwimön.

LUKA 18:11

Kughyongö Parisayontonay ato le tagh akïsagh lö, ‘Oyokunyi sörö, Tororöt, ompöwölo moköranye kegh nko pikö walaka cho le chelölos, cho ghach anta cheporestin. Malatanye ompö kwöghintoninö pö surï.

LUKA 7:39

Akwotini kisïwa Parisayontanay kikurchï nyinte omisyö, kunonchï kegh ompö mïkulöwunyi lö, “Ntökö werkoyon chichete nyoman kötösïku lö, ngo kokonï swongöy nyinte ompöwölo chemwokïyon.”

LUKA 7:34

Kungwïn Wero Chi kwomisyö akïgheghsyö, olekwa, ‘Arose chemu, akï ptamasyan nyo le kongo kwöghi surï nko mwokïyis.’

MATAYO 5:46

Ato achamakwa pich cho chömekwa, onyorukwa tösunöt ne? Ompöwölo ighöy lenyoni tïkwïl kwöghi surï!

MATAYO 9:11

Otini kïsïwa Parisaytin,* kïlenchï kinetankachi, “Ompö ne tökwomisïyi konetintenkwa nko kwöghi surï nko mwokïyis?”

MARKO 2:16

Kïsïwa Parisaytin* cho kile koneti kirurut kwomisïyi Yeso nko mwokïyis nko kwoghi suru, kïtep kinetankachi lö, “Ompö ne tökwomisïyi nyinte nko kwöghi suru nko mwokïyis?”

MARKO 9:16

Kïtepa Yeso kinetankachi lö, “Ne nyini kongölonekwa nko chane?”