LUKA 5:29 - PIPÏLIA

²⁹ Atolapay kikurchï Lawi Yeso omisyö nyo wow, kïtuyechï tuyot nyo wow ompö katanyi kïmi kwoghi surï.

LUKA 5:29 Referans Kwoze

LUKA 15:1

Kipa asistanka kwöghi surï nko mwokïyis kïter ngala Yeso.

1 KORINTO 10:27

Nyo ato kurchokwa chi nyo melö ghanate omisyö, achömchikwa nyinte, am nyu omisyewut löwïr cho ketö nyinte tawunkwa, amateptep wölo lata omisyewutchoni ompö areto sïkunötengwo.

YOANA 12:2

Keghchï nyinte omisyo nangat ompö wöloni, kimi Marta kïpöghöy chane. Ki akonga Lasaro ompö pïchoni kyomisyegho mesa nko Yeso.

MARKO 2:15

Otini kyomisïyi Yeso ompö köyay pö Lawi. Kïghömïtï kegh kwöghi suru nko mwokïyis cho möngörï akumpur nko Yeso, kïmi kinetankachi, ompöwölo kichang pich cho kirïp nyinte.

MATAYO 9:10

Akwotini kimi Yeso kö pö Matayo kwomisïyi, kïpka kwöghi surï walaka cho chang nko mwokïyiskö walaka akumpur nko nyinte kïmi nko kinetankachi.

MATAYO 5:46

Ato achamakwa pich cho chömekwa, onyorukwa tösunöt ne? Ompöwölo ighöy lenyoni tïkwïl kwöghi surï!

MATAYO 9:9

Kïngeta Yeso atoni, akwotini kimi kïwetöy kïsïwa chi nyo le kwöghinto surï nyo kikïkuro Matayo, mito kumpuröy kokwenyi wölo kikwögho surï. Kïlenchï, “Rïpkanïn.” Kïnget Matayo akïrïp nyinte.

MATAYO 11:19

Kingwïn Wero Chi kwomisyö, akïgheghsyö kelö, ‘Arose chichï! Chemu akïtömösin, kongo kwöghi surï nko mwokïyis.’ Wölo poru ngöghomnyo Tororöt lö man ompö ighisyewutkachi.”