LUKA 5:21 - PIPÏLIA

²¹ Kïngölonchinö koneti kirurut nko Parisaytin akïtep kegh lö, “Akï chi nyo ngölonöy cho mwoghöy Tororöt nya? Chi ngo nyo muköy kïlöstoy ngokï, möpotonye Tororöt onkïtï?”

LUKA 5:21 Referans Kwoze

ISAYA 43:25

Ani ante onkït nyo ochï Tororöt nyo löstoghchini pich ngokikwa. Oghan lenyoni ompö kaynatenyan kegh, amelö torwokyinokwa ompö ngokikwo.

YOANA 10:33

Kuyokyï pïchay pö Yaudi lö, “Möminye chi nyo wirinyi ompö ighisyewut cho karamach, poto ompöwölo kechïpönyi Tororöt! Ompöwölo keghanyi kegh lïkuna Tororöt akwanyï ichinyi ptangengmöt pat.”

LUKA 7:49

Kutor toye walaka kïtep kegh lö, “Ekï ngo nyï löstoghchini pich ngokï köny?”

MATAYO 26:65

Otini kimwa lenyoni, kïkarer Tïsin nyo Wow sïrokachi akïlö, “Kemwa Tororöt! Tökïpö ne söwi walaka! Kalïmakwa ye kumwosïyi!

TUMWÖY 32:5

Kyongongunyi ngokichan amelö kyawïngan ghöyityenyan. Kyasïwan lö, mïchini ongongunyi lelutköchan, ichamanyi löstoghwanïn ngokichan.

LAWIN 24:16

Nyinte nyo mwoghöy kaynata ECHOTYON ketïghöy kïma. Lökoy tuyo Israel nyinte koghïn. Ato chi anka tïkwïl nyo pö Israel anta nyo le ton nyo mwoghöy kaynata ECHOTYON nyo tïlil ketïghöy.

RUMI 8:33

Ngo nyu nyo rwokyini kïlanpa Tororöt nya? Puryö, ompöwölo Tororöt nyinte nyo kakïmwa lö, mötïngcha chane lelut.

DANIEL 9:19

Tera, we Echotyon ailöstewecha. Tera we Echotyon, aigh, meropï akwompö kaynengu, we Tororötïnyu ompöwölo kïkurtegho kanasyante nko piköku kaynengu.”

DANIEL 9:9

Itïngetenyi kisyonchin nko lastaghpa ngokï, kïrkegh kikïtaghichanyi, we Tororöt.

ISAYA 44:22

Kamistan ngokiku kïtuyö le polta. Mïlena wölo omitan, ompöwölo ani nyo kosörwokwa.”

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

TUMWÖY 130:4

Wölo ilöstoghchinenyi piköku ngokï, atökemukacha kekonyïtinyi.

TUMWÖY 103:3

Löstoghwanïn ngokichu löwïr akusopöy sömewutköchan löwïr.

LUKA 5:17

Kinetisyegho asistanka Yeso wölo kimi Parisaytin nko koneti kirurut cho kipkana kanastin löwïr cho pö Kalilaya nko Yudea nko Yerusalem. Kutö Tororöt Yeso owesyö nyo sopo pich cho kichiryote.

MATAYO 9:3

Atolapay kutor koneti kirurut walaka cho kimi atoni kïmwochinchö lö, “Kemwagh chichï Tororöt!”

MIKA 7:19

Tesyonchechanyi kokay, aityökchinyi ngwïny ngokicha aityarta kïröytö nanam to.

TUMWÖY 35:5

Nya kïkarkegh chane nko morïr cho kutöy yomöt, otini yonöy malaykayanta ECHOTYON chane!

LUKA 3:8

Agha nyu tïkwïn cho poru lö, kyokötekwa ngokikwo amotor amwagh akwane lö, kïchï monïngo Apraam. Omwowokwa nyoman lö, muköy Tororöt kwighöy koghichete kilïkwï monïngo Apraam!

LUKA 5:22

Wölo kipköchï Yeso ngalechini kingölonchinegho kegh, kïlenchï chane, “Ne ngale chï oteponekwa kegh mïkulis nya?