LUKA 23:26 - PIPÏLIA

²⁶ Kimït chane Yeso kutang wölini kikïpöro nyinte. Akwotini kitökïmi pan, kïtuyeghö chi nyo kïlentöy Simon nyo pö koro Kurene nyo kingwïnöy kanasyan kungwïno kor kareran. Kïnam chichay akïkany kïkasan kimurtöwontonay ompöwölo kikikwaghach Yeso. Kintagha nyinte, kïrïp Yeso lötï.

LUKA 23:26 Referans Kwoze

IGHISYEWUT 6:9

Wölo pikö walaka cho pö kö pö saghat* nyo kikïkuro pö, “Cho Tyokote,” nko pipö Yaudi cho kipkono Kurene nko Aleksandria nko walaka cho kipkono Kilikia nko Esya kumöl kegh nko Stepano.

IGHISYEWUT 6:6

Kumït pichoni tawu kiyoktoghï, kïsagh akukanagh ewun parakungwa.

IGHISYEWUT 2:10

Pkono walaka Prukia nko Pampulia nko Misri nko okumpö Lipya wölo lekïto Kurene akïmi kwenuncha to cho pkono Rumi akwompö pïchete mi cho le pipö Yaudi nko cho kikïcham kïrïp kighanata pipö Yaudi.

LUKA 14:27

Amemukönye chi anka tïkwïl kïlïkwï kinetanenyan kïpoto ato sït kimurtöwontenyi akïrïpanïn.

LUKA 9:23

Atolapay kïlenchï nyinte chane löwïr, “Ato mököy chi kïrïpanïn, kïmïchini kïwutyeghö kegh akïkasan kimurtöwontenyi osis löwïr akïrïpanïn.

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

LUKA 23:25

Kutyak chichay kimököy chane ketyoköy kïngetunö chela, chichanya kikïtorchï chela ompö ngala puchö nko pörsyö. Atolapay kutö Yeso mori askarin ato kipa kwighchï nyinte le wölini kimöchtöy.

MATAYO 5:41

Akwoto chikyinyi chi kasana tïkuchi kilomita akonga, ikösönchï kilomiten odeny.