LUKA 22:2 - PIPÏLIA

² Kumukyï tïsï cho echön nko koneti kirurut kïmar or nyo kïtïgho Yeso ompö sison ompöwölo kiwoghöy chane pich.

LUKA 22:2 Referans Kwoze

YOANA 11:57

Kökikïmwatïta tïsichoni echön nko Parisaytin lö ato mi chi nyo nkït wölo mi Yeso, kïmwochï atö kïnam chane nyinte.

LUKA 20:19

Kimukyï koneti kirurut nko tïsï cho echön kïnam Yeso ompö atoni, ompöwölo kisöwï lö, kingölono körkeyïnoni chane. Wölo kimemïcha kïnam ompöwölo kuwagh pich.

MATAYO 12:14

Wölo kïngeta Parisaytin atoni akïtat or nyo tïgho Yeso.

IGHISYEWUT 4:27

“Nyoman kituyö kegh Erode nko Pontio Pilato nko pipö punton nko pipö Israel ompö kanasyantanete akïtagh Mötworintengu nyo tïlil, Yeso, nyo kikïlanyi le Masiya.*

MATAYO 21:38

Wölo otini kisïwa pïchay werïnyi kïmwochinchö lö, ‘Anyï werto chito par apkana kepara atökemïla tïkuchi!’

MATAYO 26:2

“Onkïtökwa lö köngötï ye osiswö odeny kwitïta asispa Pasaka,* kitötoy atoni Wero Chi tökewudochï kimurtöwon.”

MARKO 14:1

Kitomönye osiswö odeny ntökwitïta Ichon pö Pasaka* nko makatin cho puryö mumar. Ompö atoni kï kimi tïsï cho echön nko koneti kirurut kïyöröy or nyo lepo Yeso tökïnam akïpar.