35 Ompöwölo itini asisoni pipö ngwïny kïmïkul lenyoni.
Lentöy Echotyon, “Atere ya! Ongwïnan le chorin! Soyönote chi nyo mi kïpsach akïkörmönöy sïrokachi atömöwö kïchïrut akïnyorï arasï ompö tawu pich!”
Kïtep kinetankachi lö, “Ighisyot choni ompö onö nya Echotyon?” Kuyokyï chane ompö ngötïnyö lö, “Ghömechini chesampunoy wölo mi kïgh nyo kama.”
Ompöwölo menkïtnye chi sayenyi nyo pö kisyonchin. Karkegh nko kaghagh cho kïnömo net, anta le törit cho kïnömo ngöghöp, kïlenyoni wölo nömtoy ngöghöp pich asispa ghöyïn, otini chïnchini chane lawel.
Ropönchini nyinte mwokïyis ngeset nko kiryal atökïlïkwï yomo maral kaplawachtangwa.
Kitor nyinte kwigh chi akonga kïpkana chichoni pich löwïr, akïkany kïmang kor kïmïkul, akï nyinte nyo kimut ato ngata osiswö nko rotyotïno möngo pich.
Ompöwölo köngötï osiswö cho le mut nko odeny ntökwitï ato oropönchinan ngwïny osis tömönut angwan, pöghet nko nangat, tökewur tïkwïn cho söpsot cho mi ngwïny cho kyaghan.”
“Orip kegh nyu akwane, tömekaperak pïghyöny nko tamasa nko sïngut pö ngwïnyinï, tömemirok asispa kingwïnata Wero Chi le ngöghöp.
Wölo, otöpï kïpsach kïnomnyö asagh tochïwïtyeghenö tïkuchoni pkonöy löwïr, amuch oghyongö tawu Wero Chi.”
