19 Achïchïm nyu lasiny tonyorunö söpon.
Mïchini omïkukönökwa atamuka agha machata Tororöt, tonyorunö kini kikiyomisï.
Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.
Ompöwölo onkïtökwa lö ato alotakwa ompö kighanatenkwa, sörömunyi onyorunekwa mïkukönöt.
Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.
Kïngörokyinecha tïkwïl kömpölelutköcho ompöwölo kinkïtöcha lö, ipu kömpölelyö mïkukönöt,
Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.
Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.
Sisa nyu ompö tawu ECHOTYON aikön nyinte. Mesus kegh ompö pich cho mökosöch anta tötoy wököt.
Akwompö choni, mïchini kïmïkukön pipö Tororöt. Choni kï chane cho rïpöy Kirurut pö Tororöt amötomtomön kughönöy Yeso.
Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.
Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.
Wölo ato mïkukön chi ntökwït söröm, kesöru.
Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.
Kïmïkukön Apraam ato mi söröm kïnyorï kïyoni kiyomisyï Tororöt.
Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*
Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.
Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.
Kyakanyan ECHOTYON ompö mïkukönöt, kïwaghaka akïter riratenyan.
Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.
Kyalïman choni löwïr, amïghön kïpotananïn kut ompö kiwaghat, kunyulnyulisyanïn ko ompö orinyan, wölo oköngan asisoni pö nyarïl ompö sison, otini ngwïnöy Tororöt kuchopöy kong pungköcha.
kwipu mïkukönötö tokochu Tororöt ompö acha. Akï tokochunoni pö Tororöt nyo ipu kikönöt.
Asïwa lasiny lö kekamanakwa mïkukönötengwo ntat söröm atalïkuna pich cho tenote akï cho rotöy pöghisyengwa amörörchininye kïgh nyonikïny.
atasa ngöghomnyengwo ripöto kegh, atasa ripöto kegh mïkukönöt atasa mïkukönötengwo kiwaghata Tororöt,
