LUKA 21:16 - PIPÏLIA

¹⁶ Wïchtonokwa chini le ompö yïyikwa nko tupchenikwa nko pich cho pö orenkwa nko kongotïnekwa. Kïtïghokwa walaka.

LUKA 21:16 Referans Kwoze

LUKA 12:53

Kïlenyoni tïkwïl, chuniot papo nko werïnyi, kïchuniö weri nko kwanta, chuniot kame nko cheptanyi, kïchuniö cheptö nko kame, chuniot korketo weri nko potïchtanyi, kïchuniö potïchtö nko korketo werïnyi.”

NGONGUT 6:9

Atolapay kïngötïy Wawa Kech macheyto mut. Osöchan ngwïnyi wölay kïpelo amörostin mïkulis pö pich cho kikïpar ompöwölo kyamta chane ngölyonto Tororöt nko ompö söwintönengwa.

YEREMIA 9:4

“Ripö chi kegh anka tïkwïl ompö pöröryengu, meghan ompö nyo otupchö tïkwïl. Ompöwölo lïsin tupchengu, akïwestotoy pöröryengu nko semsem.

NGONGUT 12:11

Kirïnta tupchenicho nyinte ompö kisön pö Wawa Kech nko ompö man nyo kisöwintönchï chane, ompöwölo kicham kïkonï kegh chane kïrkegh kutupuy kong meghat.

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.

IGHISYEWUT 12:2

Kïpar chok ompö Yakopo werto ompö Yoana.

IGHISYEWUT 7:59

Akwotini tagh kimi chane kïwiröy Stepano kïsagh lö, “Echotyon Yeso, taka söpontönyan!”

MARKO 13:12

Wïchtoy chi werïngwa kepar akï wïchtoy papo tïkwïl montanyi. Pusyini monïngö yiyikwa akïwïchtö chane kepar.

MATAYO 10:21

“Wïchtoy pich werkökwa kerwokyï atökepar akwighöy papotïnö lenyoni tïkwïl ompö monekwa. Ngetyini monïngö yiyikwa akïwïchtö chane kepar.

YEREMIA 12:6

Rose ompö lö ighunyi cho ghach monekwa, chini pö konkwa. Kikuporï lö töghinyi chane. Kïlenyona meghan chane, kïrkegh kuti nyo anyïn.”

LUKA 21:15

Ompöwölo okonokwa ante kuti nko ngöghomnye nyo memukönye pungkökwa kuyokwï kïgh amemukönye kumöl.

LUKA 21:17

Reyokwa pich akwompö kaynenyan.