LUKA 2:14 - PIPÏLIA

¹⁴ “Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

LUKA 2:14 Referans Kwoze

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

LUKA 19:38

Kimwoghöy lö, “Nya kusoyönö pöytoghintö nyo ngwïnöy ompö kaynata Echotyon! Nya kïsïch yïmö kalya akïpöyit Tororöt ororyö.”

KOLOSAY 1:20

kïlenyona ompö Werïnyi, kelinyö Tororöt tïkwïn löwïr nko nyinte, kö cho mi yïm anta kö cho mi ngwïny otini kipï nyinte kalya ompö kisönko Werïnyi cho kimïltegha kimurtöwon.

LUKA 1:79

atökulïwchï chane cho mi tuwïn akïmöngöy rurwo meghat akwigh kelyecha kïtïkata ara pöghisyö.”

NGONGUT 5:13

Alïman kïgh anka tïkwïl nyo kikigh nyo mi yïm nko ngwïny nko nyo mi ngwïnyi ngwïny nko nyo mi nanam nko tïkwïn löwïr cho mi oringwa kïtumöy lö, “Nya kïsïch nyinte nyo töpo ngacharu paytagh nko Wawa Kech kisoyönöt nko konyït nko ororyö nko owesyö kokay nko kokay!”

ISAYA 57:19

Otöninan pich löwïr kalya, cho lekïtöch nko cho möngöy wölo low! Osopan pikachu.

IGHISYEWUT 10:36

Onkïtökwa ngölyontonay kimwochï pipö Israel, otini kyomtoy Lökoy cho Karamach cho pö kalya ompö Yeso Kristo* nyo le Echotyonto pich lapay.

YOANA 17:4

Kyapartan ompö ngwïny töroryengu, kyawanyan ighisyonanya kikonaninyi agh.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

PILIPI 2:11

atökïmwagha anka tïkwïl kutinyi lö, Yeso Kristo kï Echotyon, ompö ororyo Tororöt Papo.

LUKA 3:22

kïrökyï Mïkulögh nyo Tïlil nyo kitïng por nyo lata chepïrïm. Kungwïna kut yïm nyo kilö, “Ichinyi Werïnyan kegh nyo le chamanenyan. Ochömeninyi kegh tya.”

MATAYO 21:9

Kuteghyö söpïchtinö, akonga nyo kimi tawu Yeso nko anka nyo kirïpu löt akulïlighsot kïlentöy, “Nya kïsala Wero Daudi! Nya kusoyön Tororöt nyinte nyo ngwïno kayna Echotyon! Nya kïsala Tororöt nyo mi parak tya.”

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

EPESO 1:9

Akwighecha kenkïtunö ngal cho kimenkïtnye pich ato le tagh wölo kïcham nyinte kïngongwecha ompö machatenyi kïrïp kegh nko wölo kinontoy nyinte lö oghöy kuwerï Kristo.

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

PILIPI 2:13

ompöwölo mi Tororöt kïpöghisïyi ompö orinkwa kïnomnyö akïkonokwa owesyö nyo omöko, apunteghö machatenyi nyo karam.

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

EPESO 2:4

Wölo tïng Tororöt kisyonöt nyo wow. Kichamecha nyinte ompö chomnyogh nyo wow nyoman

YOANA 14:27

“Kopïswokwa kalya, okonokwa kalyenyu. Mokonunanye le wölo konu ngwïnya. Makany kusus kegh mïkuliskökwo, amonyökoröchitu.

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

MIKA 5:5

akwipï kalya. Kïrkegh kïpka pipö Asirya korencha akïlïtu kori pöytoghi kïyontocha kintöghoghicha cho owesöch kïporyeghö chane.

LUKA 2:13

Kïnyini lawel kuchumï söpïch nyo wow nyo pö malaykeni yïm, akuryam nko malaykayantanay akïtum tumwöy cho sölo Tororöt lö,

LUKA 2:15

Otini kipechï kegh malaykenichay kïmïlonchö yïm, kïmwochï mösöwechay lö, “Kepe Petleem atökesïwena kïyï kegha kömwowecha Echotyon.”