LUKA 18:12 - PIPÏLIA

¹² Okïruran kïnyïl odeny ompö wïki, akoninyi kareranpa taman cho pö tïkuchan löwïr cho onyoru.’

LUKA 18:12 Referans Kwoze

LUKA 11:42

“Ochech akwa Parisaytin! Karoptekwa kareranpa taman nyo pö tïkwïn cho makes cho lata köröstin nko kapïrïmen nko nkïy angetakwa atagh oghchï pich man acham Tororöt. Kömïchokwa agha choni nyo tagh, amopïstö chona walaka.

MATAYO 9:14

Atolapay kïpka kinetanpa Yoana Kipatisanin wölo mi Yeso akïtep nyinte lö, “Ompö ne tökekïrurecha nko Parisaytin kïnomnyö amelö kïruröy kinetanköku?”

LUKA 17:10

Kïlenyoni ompö akwa tïkwïl, akanya otini kaghakwa tïkwïn löwïr cho kökïlenchokwa agha, amwagh lö, ‘Kïchicha mötworköku cho mökïmöro kïgh kikusat. Kakighacha pat tïkuchini kökïmwowecha kegha kïpoto.’ ”

1 TIMOTEO 4:8

Tïngeto kikilöto por kinyiwutyenyi, wölo tïng kikilöto mïkulögh kinyiwut nyo wow tya ompö or anka tïkwïl, ompöwölo tïng kiyomisöto söpon nyo pö ye nko söpon nyo tökungwïnöy.

MATAYO 6:1

“Orip kegh moporï ighisyewutkökwo cho karamach cho pö saghat ompö tawu pich lö tökesïwak. Ato aghakwa lenyoni melö tonyorunekwa ropöwon ompö Paponkwa nyo mi yïm.

MALAKI 3:8

Wölo otepokwa ye nyu lö, ‘Ayo, karam kïchor chi Tororötï? Ewo, mökaramnye. Kïlö ne nyu tachoranïkwa?’ Wölo otepekwa lö, ‘Kakïchorichanyi ompö or ne?’ Kachoranïkwa ompö ropöwo kareranpa taman nko ropöwe walaka cho opkanïkwa.

EPESO 2:9

melö ompö ighisyewut atömötöp chi anka tïkwïl tökïkwol kegh.

KALATIA 1:14

Kyarïntan nyu piko korenyu cho kile pïntanyan cho chang otini kyomitan orïpöy kighanata pipö Yaudi, akilön kegh lasiny arïp otöptineko poyicho.

1 KORINTO 1:29

Möminye nyu chi nyo muköy kïkwolo kegh kïgh nyonikïny ompö tawu Tororöt.

RUMI 3:27

Kïlenyona, kïgh ne nyo kimukecha kekwolone kegh nya? Puryö kïgh nyonikïny! Ekwompö ne köny? Ompöwölo so kakïrïpacha kirurut? Ewo, wölo ompöwölo kakighacha Yeso Kristo.

MATAYO 6:16

“Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

MATAYO 6:5

“Akwotini osoghöy, makarkegh nko pich cho le lïsï, cho chömöy kïsoghöy kughyongo kori sowut nko wölo sochegho ortïna atökumï pich kïsïwa chane. Omwowokwa nyoman lö kikïnyorï chane ropöwontengwa.

ISAYA 1:15

“Kïrkegh kosyolökwa ewunekwo parak ompö saghat, kïmelö orosokwa, kïrkegh kamwaghakwa sowut cho tya, kïmelö olïman, ompöwölo nyïghitate kisön ewunekwa.

2 PÖYTOGHÏ 10:16

akïlenchï, “Nyonö nko ani atesïwena wölo ochömtonan ECHOTYON.” Kïpegha chane kwodeny nkarinay kutang Samaria.

1 SAMWEL 15:13

Kïwö Samwel kutang wölo mi Saulö, kïlenchï Saulö nyinte, “Nya kusoyöninyi ECHOTYON, kaghan ngal löwïr cho kömwowanïn ECHOTYON.”

KIYITUT 23:4

Kuryam ECHOTYON nko Palaam, kïlenchï Palaam ECHOTYON, “Katekan ato kïpelo amöros cho le mut nko odeny, aroptan egh nko makal ompö anka tïkwïl.”

KIYITUT 18:24

Ompöwölo kyotönön chane kareranpa taman nyo konanïn pipö Israel le ropöwon nyo karam kïlïkwï mïlatengwa. Kïlenyona mötïngcha chane mïlat ompö kwenu pipö Israel.”

MATAYO 5:20

Ompöwölo omwowokwa lö, momukekwanye ntolït Pöyunöto Yïm ato matïlnye kighanatenkwa nyo pö koneti kirurut nko nyo pö Parisaytin.*