LUKA 16:20 - PIPÏLIA

²⁰ Kimi tïkwïl chitö anka nyo kile meywon nyo kikïkuro Lasaro nyo kitöpo kuka chichay le sïkön kïmïkul.

LUKA 16:20 Referans Kwoze

IGHISYEWUT 3:2

Akimi chi atoni nyo kingwolöy kingeta keyï, nyo kikösönu pikökwa osis löwïr kïpkonöy kutöni kuka Kö pö Tororöt nyo kikuro, “Kukat nyo Pïchigh,” atökïsom pich ropïyen cho kipkonöy kïsoghöy.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

YAKOPO 1:9

Mïchini kïngarak tupchenyo nyo le meywon otini kösyol Tororöt nyinte

LUKA 16:21

Kipïrchini Lasaro lö, tapagha kegh rarakan cho kichïnuno mesanay pö sïkönonay. Otini kimi atoni, kipkonöy ompö kukïdinö kïmelöy moyokachi.

AYUPU 2:7

Kïweghö nyu Onyötö otini kimi ECHOTYON akïmungö nyinte tasusay kïghömï portanyi kïmïkul.

1 SAMWEL 2:8

Ngetuno nyinte mey ngwïny, akutoteghu ptankeris, atökïtöpïyö nko echot akïnyorï ngacharu konyït, ompöwölo kigh ECHOTYON pchörino ngwïny. Akutö ngwïny paraku pchörinechoni.

YEREMIA 8:22

Ayo, möminye so sakïtyanta koro Kiliad? Möminye so chepsakïtyan wölini wey? Kwompö ne nyu tomönye kïsöpchö piköchan?

ISAYA 1:6

Möminye portöngu wölo söpote kïngeta möt ntökwit kel. Kighömunyi moyoy nko perutöy melö kikïrat. Puryö chi nyo kimwat moyokö anta rat, amöminye chi ompö nyo kinura mwagh.

TUMWÖY 73:14

Kakïmunganïn kïtenö osis akenyarilanïn kong tökwoghö anka tïkwïl.

TUMWÖY 34:19

Nyoru chi pö man nyörilwok cho chang, wölo söruno ECHOTYON nyinte choni löwïr.

YOANA 11:1

Kichir chi nyo kikuro Lasaro nyo kimöngöy Petaniya. Petaniya kï kanasyantananya kimöngöy Marya nko cheptöngwa Marta.

MATAYO 26:71

Otini kilïtï Petro kukat, kïsïwa mötworinte anka. Kïlenchï pich cho kimi otini, “Kimi chichete nko Yeso nyo pö Nasaret.”

LUKA 16:19

“Kimi kitas tagh Yeso kïlenchï pïchay, chi nyo kile sïkön nyo kiloköy sïro cho pö olyot nyo wow tya, akïtöpo atöp nyo pö mökosyö kïtenö osis.