LUKA 16:17 - PIPÏLIA

¹⁷ Wölo kwïskwïs tya kuwer yïmö nko ngwïny, kïtïl kengongoghta kemeryan nyo le kite nyo pö kirurut.

LUKA 16:17 Referans Kwoze

MATAYO 5:18

Ompöwölo omwowokwa nyoman lö, weröy yïmö nko ngwïny nyo mötïny, wölo mewerönye ompö kemeryanta kite nyo pö kirurut ntökïtenö kïpïntö tïkwïn löwïr.

LUKA 21:33

Weröy yïmö nko ngwïny, wölo meweröcha ngalechan nyonikïny.

1 PETRO 1:25

Wölo töpo ngölyonto Echotyon kokay.” Ngölyontononi kï Lökoy cho Karamach cho kikyomwokwa.

ISAYA 40:8

Silonchot suswö nyoman, poto ngölyonto Tororöt nyo ngötu kokay.”

RUMI 3:31

Ekuporu ye nyoni lö kikemötecha kirurut ompö kighanatengwa? Ewo, puryö, nyo kötökïmötonecha, kepïlilacha kirurut.

ISAYA 51:6

Otopöne köny wölnö le yïm, aros ngwïny, weröy yïmö le kapuret, kuwer ngwïnya le sïra nyo kawïr, akuwonyot pikachi lömïs le kolyong. Wölo töpo sörunötö nyo opunan kokay, amöngötönye ghetunötö nyo opunan.

NGONGUT 21:4

Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”

NGONGUT 21:1

Atolapay asïwan yïm nyo rel nko ngwïny nyo rel. Kikuwer yïmö nko ngwïny nyay pö tagh amelö kitökïmi nanam ngat.

NGONGUT 20:11

Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.

2 PETRO 3:10

Wölo miru asispa Echotyon le chorin. Weröy yïmöy Asisoni nko kighumöt nyo wow, kiwuro ma tïpö yïm, kïpelöy ngwïny nko tïkwïn löwïr cho mi orinyi.