LUKA 15:13 - PIPÏLIA

¹³ Nyo tya köny, kïnget, weri nyay mïnïng kwalta tïkuchi löwïr. Kïnam ropïyenichi akïngeta kaw kiwö kutang kor nyo low. Otini kit korononi kuserser kïwö ropïyenichi ompö or nyo gha.

LUKA 15:13 Referans Kwoze

YEREMIA 2:5

Lentöy ECHOTYON, “Ghöyïn ne nyo kisïwechanïn papotïnekwa, tökusïrar kegh akïsor kïsagh tororötin cho möle akïlïkwï chane kwïle nya?

NGÖTÏNYÖ 29:3

Ighöy chi kwanta kïngarak nyo chömöy ngöghomnyö, wölo nyinte nyo nomnyotoy nko chepkarten kuyitïtoy tïkuchi.

NGÖTÏNYÖ 21:17

Lïku chi meywon nyo serseröy tïkwïn, amölïkunye sïkön chi nyo chömöy dipay* nko mwowöy.

NGÖTÏNYÖ 28:7

Ngöghom worö nyo ripöy kirurut, wölo töni arasï kwanta nyo nomnyotoy nko chemutïn.

LUKA 16:19

“Kimi kitas tagh Yeso kïlenchï pïchay, chi nyo kile sïkön nyo kiloköy sïro cho pö olyot nyo wow tya, akïtöpo atöp nyo pö mökosyö kïtenö osis.

LUKA 16:1

Kilet Yeso tagh kïlenchï kinetankachi, “Kimito chi akong nyo kile sïkön nyo kitïng mötworin nyo kitö kughyongtö tïkuchï. Atoni nyu kïpka kïmwochï pikö walaka sïkönonay lö, kiserser kighyongtoghintonay tïkuchi.

LUKA 15:30

Kïnyïl ye otï kamïla werïngu, Kïyï kilastegha tïkuku lömïs ara cheporesnan, iyenchinyi nyinte moghay akwagh!’

MIKA 6:3

Lentöy ECHOTYON, “Heywey pikachu kaghwakwa ne nya? Kosusokwa lö ne? Omwowante.

YEREMIA 2:31

Akwa we pïnwöy, atere ngölyonto ECHOTYON! Ayo, okörakegh so nko kor nyo le surkwen ompö Israel, anta kor nyo kinyïghï tuwïn? Kwompö ne nyu tökïlentöy piköchan, ‘Kighecha le wölo kakïchamta amökepkonechanye kokay wölo imitenyi!’

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

ISAYA 56:12

Mwochini kegh ptamasischoni lö, “Apkana kepe keyaratena dipay* atökeghegha cho ngwonöch cho teno cho kakimuköy kegheghe! Körköyitu asïyech ko asisete, akï köromitu tya ompö!”

ISAYA 30:11

Amalteghena kegh arencha, anategha kegh ompö arencha nyo kiweröy. Melö tökemökecha kelïme ngat ngala Tororöt pö Israel nyo Tïlil.”

ISAYA 22:13

Wölo nyinö kitoghekwa lenyoni, opechikwa ororyö, aketa lö kïng! Kyayengakwa kechir apar tïch, amakwa pany, aghegh kumïn. Atolapay amwaghakwa lö, “Kyaketena akegheghsyö, ompöwölo kiwonyocha asïyech!”

ISAYA 1:4

Heywey, mwokïyis pö punton, pich cho kösönöy nïkisïntino ngokï! Chutwokwa ngokikwo oröytenö ngwïny! Kataghakwa ECHOTYON, Tororöt pö Israel nyo Tïlil, apörchikwa nyinte pötoghwekwo.

NGÖTÏNYÖ 27:8

Karkegh chi nyo le katurökyön nko tarit nyo kepotö konyi.

NGÖTÏNYÖ 21:20

Rorote tïkwïn cho pïchigh ompö ka chi nyo ngöghom, wölo serseröy tïkwïn chi nyo le sölwö.

NGÖTÏNYÖ 18:9

Chi nyo sosönchini ighisyenyi, kïtupchö nko chi nyo le kinyorin.

NGÖTÏNYÖ 6:26

Muköy chi kwala chepkartayan makatyan, wölo ato wö koko chi, kepöröy nyinte.

TUMWÖY 73:27

Kinyoröy pich cho lowöch nko nyi nyo mötïny. Iwongenyi pich löwïr cho wökinyi.

2 PETRO 2:13

akwigh chane kïnyarïl kïrïp kegh nko ghöyityö nyo kigh chane. Ngörekyeto pichoni kï kwigh kulïwu asis kïgh anka tïkwïl nyo pïrchini porwöyikwa. Konokwa chane arasï nko kaynat nyo gha otini mi kwomisïyi nko akwa akïmi kïngörechegho ortïnekwa choni pö lïs!

EPESO 2:17

Kingwïn Kristo akwomwokwa Lökoy cho Karamach cho pö kalya, akwa chona ochï pipö punton cho kyochï lowöch ompöwölo mi Tororöt akwomchï pipö Yaudi cho kilekïtö Tororöt.

EPESO 2:13

Wölo ye, akwa cho kyochï lowöch nyoman ompö Kristo Yeso, kikenokunekwa arikuna ompö meghenyi.

LUKA 15:12

Kïlenchï weri nyo mïnïng kwanta, ‘Papo, chöghwanïn ye kareran nyo le nyinyan,’ Kwigh kwanta lenyoni akuporchï chane tïkukwa.

LUKA 15:14

Akwotini kipöghisyeghö ropïyenichay lödo, kwitï kömöy nyo kighömï koronay kïmïkul. Kïchop nyu nyinte kïgh nyo omöy.