LUKA 12:5 - PIPÏLIA

⁵ Oporwokwa nyo mïchini awaghakwa. Awagha Tororöt nyo tïng owesyö kïpar chi akïtïng owesyö nyo wirchini nyinte mapa kokay. Nyoman, awagha nyinte.

LUKA 12:5 Referans Kwoze

2 PETRO 2:4

Kimesyonchïnye Tororöt malayken cho kigh ngokï, wölo kïtorchï chane ngwen wölo tuw kïrötot kïköngöy kirwok.

MATAYO 10:28

Amawagh chane cho pöröy por akïmemuköcha ntökïtïgh söpontö, wölo awagha Tororöt nyo muköy kuwuröy por nko söpontö ompö mapa kokay.

NGONGUT 14:7

Kïmwa nyinte ompö kut nyo wow lö, “Okonyïtö Tororöt, asal töroryenyi! Ompöwölo ketïta ato rwokyini nyinte pipö ngwïny. Asagha nyinte nyini kigh yïm nko ngwïny wölo tïyame nko nanam nko kori pöghon!”

EPRANIA 10:31

Möminye kïgh nyo gha tya kïsir atosïkö chi kirwok Tororöt nyo satate!

TUMWÖY 9:17

Petöy mwokïyis ngwen nko pipö punton löwïr cho wutyegho Tororöt.

NGÖTÏNYÖ 14:26

Tïngeto chi kikönöt nyo wöghöy ECHOTYON akïnyoru monechi wölo karam wölo ghyöghchini.

NGONGUT 20:14

Kewirchï meghat nko ngwen nanamoni pö ma akï nanamoni pö ma kï meghat nyo pö odeny.

1 TESALONIKE 4:6

Mömïchininye nyu kïlelchï chi anka tïkwïl tupchenyi anta lïs nyinte ompö ngölyontononi. Kikïnyaghacha kemwowokwa tagh lenyoni akenyïlecha ngat kerirwokwa lö chopöy kong Echotyon pich cho ighöy ngalechoni.

MATAYO 25:41

“Atolapay kïlenchï pïchinö mi ewu löt, ‘Apeghena wölo omitan cho kikechïpok, ape olïte mapa kokay nyo kikengotyï Onyöt nko malaykenichi!

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

MATAYO 5:22

Wölo omwowokwa nyu ye lö, chi anka tïkwïl nyo nörekyini werïngwa, kepöy kokwö,* akwanka tïkwïl nyo kuro werïngwa sölwö, kuroko kewirchï mapa kokay.

YEREMIA 5:22

Ompö ne tömowöghanïkwa nya? Mwoghöy ECHOTYON. “Ompö ne tömowöghisyonekwanye ompö tawunyan nya? Ani nyo kyotö ngayam kïlïkwï rotyo nanam nko kor nyo tïyame, miröwon nyo memukönye kïtïlï nanam kokay, nyo, kïrkegh kughumonï mirtino pögh lö ne, mötïlönye miröwontononi kokay.

MATAYO 25:46

Kïrongöy nyu pïchoni kïpa nyarïlpa kokay, wölo petöy chinö pö man söpon pö kokay.”

YEREMIA 10:7

Ngo nyo mewöghinyi nyo ichï Pöytoghinto koros? Mïchini kekonyïtinyi lenyoni, möminye nyo karkegh nko nyi ompö kwenu pich cho ngöghomöch ompö koros löwïr nko ompö paytaghtinekwa löwïr.

MARKO 13:23

Orip kegh! Kanyaghan omwowokwa ngal löwïr kïtö kïlowöch.

YEREMIA 41:18

ompöwölo kiwagh pipö Papilonia kïngata kïpar Ismael Kedalia wero Aikam nyo kikïl pöytoghinto Papilon kughyongchï korononi.