LUKA 12:32 - PIPÏLIA

³² “Amowöghisyö, okwotnï mïnïng, ompöwölo kacham Paponkwa nyo mi yïm kïkonokwa Pöyunötenyi.

LUKA 12:32 Referans Kwoze

EPRANIA 12:28

Kesoyönisyenö nyu, ompöwölo kakekonecha pöyunöt nyo metimtimonye. Kesoyönisyenö akesagh Tororöt kïle wölo chömtoy nyinte ompö rïngata kegh nko kiwaghat,

NGONGUT 1:6

akwighecha kelïkuna tïsï cho pöghisyechini Paponyi Tororöt. Nya nyu kïpöyit ororyö Yeso Kristo nko owesyö, kokay nko kokay! Amen.

PILIPI 2:13

ompöwölo mi Tororöt kïpöghisïyi ompö orinkwa kïnomnyö akïkonokwa owesyö nyo omöko, apunteghö machatenyi nyo karam.

LUKA 10:21

Ompö atoni kïturön Yeso ompö Mïkulögh nyo Tïlil akïlö, osölinyi, “Echotyonto yïm nko ngwïny, ompöwölo keporchinyi sölwöy tïkwïn cho kewïngenyi pich cho lechini kegh kïchï ngöghomöch anta kïchï chïreröch. Wölo kengongchinyi cho mïnïngitöy kegh le tengon. Nyoman Papo, lenyoni wölini kitatïtenyi ompö pöropchengu.”

MATAYO 25:34

Atolapay kïlenchï pöytoghintö pïchinö mi ewunyi pö tagh, ‘Apkana nyu cho kikusoyönok Paponyan! Apkana atacha pöyunöt nyo kikekïlwekwa kïngeta otini le towunöto ngwïny.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

2 PETRO 1:11

Ompö aranoni onyorunekwa man nyo omuköy ntolït Paytagh nyo pö kokay nyo pö Echotyontenyo akï Sörunintenyo Yeso Kristo.

MATAYO 14:27

Wölo panini lawel, kïngölonchï Yeso chane kïlenchï, “Onyökonitunö ani nyete, mowöghisyö!”

YEREMIA 3:19

“ ‘Kyononchan kegh lö, Israel, opï kechinyi akonga ompö monechan, akoninyi kor nyo karam nyoman, kor nyo pïchigh kïtïl koros löwïr. Kyolentan ikuraninyi lö, “Paponyu,” amelö kepïstonenyi rïpanïn kokay.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.

2 TESALONIKE 1:5

Poru ngalechoni lö, pö man kirwoko Tororöt nyo ighokwa nyinte alïkuna pich cho mïchini Pöyunötenyi nyoni omitekwa owonguno.

RUMI 6:23

Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

YOANA 18:36

Kuyokyï Yeso lö, “Möpönye ngwïnyinï paytaghtanyan, ntökö pö paytaghtanyan ngwïnyinete, kötösöröpkanïn pikachu kïporyot tömöparanïn pipö Yaudi. Wölo möpönye paytaghtanyan wöletewöl!”

ISAYA 41:14

Mwoghöy ECHOTYON lö, “Kïrkegh kochikwa mïnkech we pipö Israel, wölo mowöghisyö, ongörokokwa. Ochan sörunintenkwa, Tororöt pö Israel nyo Tïlil.

MATAYO 20:16

Kuwany nyu Yeso kïmwa lö, “Kïlenyona, lïku pich cho pö lötï cho pö tagh, kïlïkwï cho pö tagh cho pö löt.”

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 20:29

Onkïtön lö atowan kulungokwa suyï cho köromöch, amesyonchinicha okwot pö kechir.

1 KORINTO 1:21

Ompöwölo kitagh Tororöt kunkïtï pich nyinte ompö ngöghomnyengwa kegh. Nyo kitölïku nyoni, kïcham nyinte kïsörï pich cho ghönöy ompö or nyo sïwïyi pich cho ngöghomöch lö sölwontön, choni kï lökoy cho kyomtonecha.