41 Wölo otönö mey tïkwïn cho mi kikompen nko saninekwa atökïtïlilitu tïkwïn tïkwïl ompö akwa.
Altena tïkukwo atotönö mey ropïyeni. Oyörchinö kegh mïlot cho melö wïrsot amörchï kegh kaplawachtin cho mewonyot ompö yïm wölo mönyorucha chorï antewur rirïm.
Kïröto ngala Tororöt nyo karam akï nyo kïltït kï kengarak pönon nko mïsïktin ompö kömpölelyengwa nko kïrip chi kegh mesïmnyon ngala ngwïnyinï.
Tïlil kïgh anka tïkwïl ompö pich cho tïlilöch, wölo möminye kïgh nyonikïny nyo tïlil ompö pich cho le sïmnyon cho puryö kighanat, ompöwölo kikesïmnyon kinonutkökwa nko pköchintöngwa.
Mowutyeghö oghchï pich nyo karam angarak kegh akwane, ompöwölo amörostin cho lata choni cho chömöy Tororöt.
Kungwïnchï kut ngat nyo pö odeny lö, “Mekur kïgh anka tïkwïl nyo kakwanyïnit Tororöt lö, sïmnyon.”
Kulet tagh Yeso kïmwa lö, “Nyo omwokwa ye lö, oghchinö kegh kongotnön ompö sïkönöto ngwïny, nyo ato wonyö kïtachekwa Tororöt ompö söpon nyo pö kokay.
Kïlenyona, we pöytoghin, rïpa kirurutyenyan. Pïstenö ngokï aigh man aisyonchï pich kikïpïr. Töptoy ana ketösunyi osiswo pöghisyö.”
Pösönchini ECHOTYON chi nyo syonchini mey, akïghokchini ECHOTYON nyinte ompö ighisyenyi.
Chi nyo reyöy meywon, kï kemwa Ighintenyi, wölo chi nyo syonchini mey, kïkonyïtöy Tororöt.
Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.
Ompöwölo toköy Tororöt kïgh nyo mököy chi kutötoy amelö nyo mötïngnye.
Atolapay kughyö Sakayo ompö tawu pïchay lapay akïlenchï Echotyon, “Omwowunyi Echotyon lö, otöninan kareran pö tïkuchan mey. Kïnyïl ato mi chi anka tïkwïl nyo achengan tïkuchi ompö ara lïs, oyokyinan nyinte kïnyïl angwan.”
Kïkany kïlïm Yeso lenyoni, kïlenchï, “Mi kïgh akong nyo mïchini ighanyi. Wïyö altena tïkwïn löwïr cho itïngetö aitö ropïyeni mey, telïkuna sïkön ompö yïm. Atolapay ingwïn irïpanïn.”
Ato somïn chi kïgh itö, ato mököy chi kïpösöneninyi kïgh ipösönchï.
Korkoröy ewunyi kïpögho tïkuchi mey, töpo mantanyi lenyoni kokay, kïsyolo owesyenyi konyït kokay.
Soyönote chi nyo syonchini mey, söru ECHOTYON chane osiswo kömpölelyö.
Nya kïpïstö chorin chorsyö akïpöghisyö atökïsïch kïgh nyo poröy nko nyo chopöy.
Kutötö kighönichay kingarakat kïle wölo kiteno owesyengwa ompö machat akonga kïpa Yudea wölo kimi kighöni walaka.
Mi meyï nko akwa osis löwïr, wölo momitanye nko akwa kïnomnyö.
“Kïkany oweghan Yerusalem könyis cho chang, amïlan wölini opchï pikachu pipö Yaudi ropïyen atotö kyak cho pö amöros pö Tororöt.
Kïngöngöghtegho ngokï kighanat nko terchin, akïchïwïto chi ghöyityö ato konyït nyinte ECHOTYON.
ompöwölo melö lïtöy mïkulöwunyi, wölo lïtöy muyenyi atolapay kurel sany.” (Kiporï Yeso ompö mwaghatanoni lö tïlilöch omisyewut lapay.)