39 Wölo kïlenchï Echotyon nyinte, “Akwa ye Parisaytin, owunekwa kikompen nko sanin okumpö sany kwïle, wölo kinyïghï orinkwa masata nko ghöyityö.
Arika wölo mi Tororöt atökïrikakwa nyinte. Owunö ewunekwo akwa mwokïyischï! Amwata mïkuliskökwo, akwa lïsichï!
Tïlil kïgh anka tïkwïl ompö pich cho tïlilöch, wölo möminye kïgh nyonikïny nyo tïlil ompö pich cho le sïmnyon cho puryö kighanat, ompöwölo kikesïmnyon kinonutkökwa nko pköchintöngwa.
Wölo kïlenchï Petro, “Ompö ne nya Anania tepïsinönyi Onyöt kipöyï mïkulöwungu ntelïsanyi Mïkulögh nyo Tïlil, aichïchukanyi ompö sison kareranto ropïyeni cho kesïkenyi par?
Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.
“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.
Kimi pich cho tïlilöch ompö konyikwa kegh, wölo tomöcha kewunö sïmnyontönengwa.
Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.
Kyarïntan nyu piko korenyu cho kile pïntanyan cho chang otini kyomitan orïpöy kighanata pipö Yaudi, akilön kegh lasiny arïp otöptineko poyicho.
Kimwa lenyoni amelö ompöwölo kiyongöy nyinte mey, wölo ompöwölo ki chorin, akwompöwölo ki komöninto mïloto ropïyen, akimi kïchoro mïlotononi kïnomnyö.
Kïlenchï Yeso chane, “Akwa chay oghekwa kegh lö, kïchï karamach ompö tawu pich, wölo nkït Tororöt lö ochikwa pich ne. Ompöwölo tïkwïn cho kusöy pich, kï samï ompö tawu Tororöt.
Kikany kïsïwa Echotyon kokonay kusyonchï, akïlenchï, “Meriröy.”
Karkegh yetïntinechi nko ngötuny cho mororsot Karkegh muti ngal ompö kokwotïno Yerusalem nko suyï cho sutyote, cho ato nyorï peny mönon, mönyorunye chi ompö nyo le kowö otini kayech.
Lata kintöghoghichï cho kapar tyony, mïltoy kisön tökïnyorï sïkönöt ompö or nyo gha.
Lata kintöghoghichï ngotïny nyo pororöy ompö tyony nyo kapar, kikïpar chane pich akïcheng kaplawachtin nko tïkwïn, kikipar pich kudong mïsïk cho möngörï ompö kor.
Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?
Ato ngölonöy ngal cho onyïn, meghan nyinte, ompöwölo tuw mu.
Ngongchinanïn kutïwekwa le ngötïny nyo mororöy akïtïlöy.
Kigh Amasya nyo karam ompö tawu ECHOTYON wölo meghanye mïkulöwunyi kïmïkul.
Lïku pich cho, ato kiros ompö sany kïlentöy pich kighönï, wölo ompö oringwa töghöy owesyö nyo kïnyoruno kighanat. Ilowit kegh ompö pich cho lata choni.
Kökikutö nyu Onyötö Yudas Iskariote Wero Simon, machat nyo wïchtoy Yeso otini kimi Yeso kwomöy omisyo nangat nko kinetankachi.
Lenye tör nyo kakïmala ngolöwo karïn, chi nyo töpïlïle ngala akïmi nko mïkulögh nyo gha.
Kïnget Yoana kïyonta kinetankachi cho le odeny, kïpa wölo mi Echotyon atökïtep lö, “Nyi nyoni kimwa Yoana lö ngwïnöy nya, anta tökekönecha chitö anka?”