LUKA 11:13 - PIPÏLIA

¹³ Ato onkïtökwa nyu pich cho ghach otöni monekwo tïkwïn cho karamach, töni nyu kïtya Paponkwa nyo mi yïm Mïkulögh nyo Tïlil pich cho somöy nyinte?”

LUKA 11:13 Referans Kwoze

MATAYO 7:11

Ato onkïtökwa nyu pich cho ghach otöni monekwo tïkwïn cho karamach, töni nyu Paponkwa nyo mi yïm pich cho somöy nyinte tïkwïn cho karamach kïtya?

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

RUMI 8:32

Nyinte nyini maghet Werïnyi kegh, wölo kikonï nyinte le amöros ompö acha löwïr. Akwato kigh lenyoni, kïmemukönyenyu kïkonecha nyinte tïkwïn löwïr cho karamach?

NGÖTÏNYÖ 1:23

Atera kinetutkochan oyinokwa kinonutköchan aporwokwa ngalechan.

IGHISYEWUT 2:38

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

YOEL 2:28

“Kïkany ompö osis cho pkonöy, omïlchinan mïkulöwanyan pich löwïr ngorsïyi werkökwa nko tipikwa rwotïtoy poyikwa kirwotïtogh kïngonchini chumwakökwa ngongut.

ESEKEL 36:27

Otönan nyu mïkulöwunyan kïtöpö orinkwa tökwighekwa arïpa ngalechan nko kirurutköchan lasiny.

ISAYA 49:15

Yokyini nyu ECHOTYON chane lö, “Muköy so korka kïwutyegho montanyi nyo rerïyi, amacham montanyi nyo köyï? Kïrkegh köwutyeghö chane, wölo mowutyegheninyinye.

MATAYO 6:14

“Ompöwölo ato olöstoghchikwa pich lelutkökwa, kïlöstowokwa tïkwïl Paponkwa nyo mi yïm,

MATAYO 6:32

Ompöwölo yöröy pipö punton tïkuchoni löwïr akunkït Paponkwa nyo mi yïm lö otïngetekwa machat nyo pö tïkuchoni löwïr.

LUKA 11:2

Kilenchï Yeso chane löwïr, “Ato osoghöy asagh lö, ‘Papo, nya kïtïlilit kaynengu. Nya kungwïn Pöyunötengu.

MATAYO 6:30

Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

MATAYO 5:45

atalïkuna monïngo Paponkwa nyo mi yïm.’ Ompöwölo ighöy nyinte asistanyi kuluchï pich cho le mwokïyis nko cho karamach akïkonu rop kïropönchï pich cho pö man nko cho melö pö man.

MATAYO 5:16

Akanya nyu kulïwunö löpoyïntöngwo tawu pich atökïsïwa chane ighisyewutkökwa cho karamach atökïsal Papongwo nyo mi yïm.

TUMWÖY 51:5

Ochan lelan kïngata otini kikïyiyanïn akyotïngetan ngokï kïngata omitan mu.

RUMI 7:18

Ompöwölo onkïtön lö, kïrïp kegh nko otöptönyan nyo pö ptangengmöt möminye kïgh nyo karam nyo mi orinyan. Ompöwölo kïrkegh kömi machate orinyan nyo karam, kïmomukanye oghey.

RUMI 5:17

Ompöwölo ato kipöyï meghat pich ompö lelutyo chichoni le akonga, kïwow nyu tya söpon ompö pich cho toköy pöropcho Tororöt akeyityï man ompöwölo mi nyinte. Mukisyot choni ompö ara chichoni le akonga, Yeso Kristo.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

TOWUNÖT 8:21

Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.

LUKA 11:12

Anta ato som adösyon kutö tokol?

LUKA 18:7

Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel?