LUKA 10:9 - PIPÏLIA

⁹ asop cho chiryote. Akwotini osopekwa chane olenchï, ‘Kikungwïnchokwa Pöyunöto Tororöt.’

LUKA 10:9 Referans Kwoze

MATAYO 3:2

“Okötenö ngokikwo, ompöwölo kirikï Pöyunöto Yïm!”

YOANA 3:5

Kuyokyï Yeso chichay lö, “Omwowunyi nyoman lö möminye chi nyo muköy kïlïtöy Pöyunöto Tororöt kïpoto ato kïyï nyinte ompö pögh nko Mïkulögh.

LUKA 10:11

‘Kakïpartecha terïtyo kanasyantenkwa cho mi kelyecha atökïlïkwï söwintön lö kikerichokwa. Wölo mowutyeghö kïnye lö, kikungwïnchokwa Pöyunöto Tororöt.’

IGHISYEWUT 28:31

Kyamta ngala Pöyunöto Tororöt, akunet ngala Echotyon Yeso Kristo,* kïngölonöy ompö nyakanat, akimökïminye chi nyo kitagha nyinte kwomchï pich ngala Tororöt.

LUKA 9:2

Atolapay kïyonta chane kwamta Pöyunöto Tororöt akusop cho chirsot.

IGHISYEWUT 28:28

Kuwany nyu Paulö kïlenchï, “Onkïtunö ye nyu lö, kakeyonta ngölyonto Tororöt nyo pö sörunöt kutang pipö punton. Lïmöy chane!”

YOANA 3:3

Kuyokyï Yeso lö, “Omwowunyi nyoman lö möminye chi nyo muköy kïsïwa Pöyunöto Tororöt kïpoto ato kïyï nyinte ngat.”

MARKO 6:13

Kïyon oy cho chang akuyila mwagh pich cho chang cho kichiryote akwïgh chane kïsöpchö.

MARKO 4:30

Kïtep Yeso lö, “Kikongityonecha Pöyunöto Tororöt nko ne? Anta kimustoy körkeyïn ne?

MATAYO 4:17

Kïngeta atoni kutor kwamtata lö, Yeso, “Okötenö ngokikwo, ompöwölo kikïlekïtit Pöyunöto Yïm!”

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

LUKA 10:10

Wölo kanasyan anka tïkwïl nyo kolïtökwa akï möminye chi nyo katakakwa, apa ortïna kanasyantanoni amwagh lö,