LOK 5:19 - PIPÏLIA

¹⁹ Wölo ichinyi pöytoghin nyo pö kokay, we ECHOTYON ipöytonenyi pïnwöy nko pïnwöy.

LOK 5:19 Referans Kwoze

TUMWÖY 102:12

Wölo ichinyi pöytoghin kokay, we ECHOTYON irumtonyi pïnwöy löwïr.

TUMWÖY 45:6

Töpo paytaghtangu nyo kökoninyi Tororöt kokay. Ipöytonenyi piköku ompö man.

TUMWÖY 145:13

Pö kokay paytaghtangu aipöytonyi ompö pïnwöy löwïr. Kitwoytoy kegh ECHOTYON ompö ngalechi akï tïng pöropchö ompö ighisyewutkachi.

TUMWÖY 9:7

Wölo töpo ECHOTYON ngacharunyi kokay, kikuchïchim ngacharunyi nyo pö kirwok.

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

1 TIMOTEO 1:17

Nya kïpöyit konyït nko ororyo, pöytoghinto kokay, nyo mömeghöy, amökïsïwïyi ompö kong, Tororöt nyo le nyinte onkït amömi anka, kokay nko kokay! Amen.*

EPRANIA 13:8

Karkegh Yeso Kristo* omötu nko ye nko kokay.

APAKUK 1:12

Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

TUMWÖY 146:10

Pöytoy ECHOTYON kokay, pöytoy Tororötïngu kokay, we Sayon.* Asala ECHOTYON!

TUMWÖY 90:2

Ichinyi Tororöt kokay nko kokay nyo kimito kïtomö kïpitï kutïngkotï akitomö ighanyi ngwïny.

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

TUMWÖY 29:10

Pöytoy ECHOTYON nanam kïmïkul, pöytoy nyinte kokay.

TUMWÖY 10:16

Pöytoghin ECHOTYON kokay nko kokay. Wonyot puntonï löwïr ompö ngwïny.

KINONO KIRURUT 33:27

Tororöt nyo pö kokay nyo oryöghchinekwa, tighokwa ewunechi kokay. Kiyon nyinte pungkökwa otini kyomitekwa oletöy tagh, akïlenchokwa, ‘Apara chane lömïs.’

NGONGUT 1:4

Ani Yoana nyo kokirchï palalyantanï kanisen mut nko odeny cho mi koro Esya. Nya kïtöpö pöropchö nko akwa nko kalya nyo ngwïno Tororöt nyo mi akï nyo kimi akï nyo tökungwïnöy nko cho pkono wölo mi mïkulis cho le mut nko odeny cho mi tawu ngacharunyi pö paytagh,

YOANA 1:38

Kiwaghaka Yeso akïsïwa lö mi chane kïrïpöy nyinte, kïtep lö, “Omörekwa ne nya?” Kuyokyï chane lö, “Imöngenyi onö nya, Rapi?” (Ato kïwaghach ngölyontononi kelentöy, “Konetin.”)

TUMWÖY 93:2

Chïchïmate ngacharungu pö paytagh, we ECHOTYON, kïngata könyisyok.