LOK 4:11 - PIPÏLIA

¹¹ Kimïlï ECHOTYON nörekyenyi kïmïkul, nörekyö nyo ngwan lakat, akïpela ma kanasyanta Sayon kïnagh kuwonyö lö körpïs.

LOK 4:11 Referans Kwoze

ESEKEL 22:31

Kïlenyona komïlchokwa yenyu nörekyenyan owonyenan chane ompö mapa nörekyenyan. Oghchinan chane kïrïp kegh nko ighisyewutkachi.” Mwoghöy Echotyon TORORÖT.

YEREMIA 7:20

Kïlenyana, kamwaghan ante Echotyon TORORÖT lö, arosa, omïlchinan yete nörekyenyan, omïlchinan ptangengmöt nko tyonkïn nko keti wuw nko pagh cho tökïmi paren. Nöghöy nörekyenyan nyoman nyo memukönye chi kïnuk.”

LOK 2:17

Kegh ECHOTYON kïgh nyo ngwan nyo kikakïmwa lö oghöy kepunto ngölyon nyo kimwa könyisyok kimwa lö onyoröy Yerusalem nyo puryö kisyonchin kïgh nyoni nyo kigh pungköcha kïngörekyö otini kirïntecha akïsïch owesyö.

YEREMIA 17:27

Wölo atomateranïkwanye, amokönyït asispa Sapato kïlïkwï nyo tïlil, amokïr akasan tïkwïn kïlïtöy kukoti Yerusalem asisoni, opelan kukoti Yerusalem. Nöghsot tïkwïl kori Yerusalem cho ororöch ompö ma nyo memukönye chi kumis.”

LUKA 21:22

Ompöwölo osiswechete kï Osis cho tököy Tororöt pipö Israel atökïpïntö ngala löwïr cho mwoghöy Kikirut.

SAKARIA 1:6

Ayo, melö so kinyorï papotïnekwa sitenyan ompöwölo melö kirïp kirurutköchan cho kyotönön kuwerï mötworichan werkoy? Kïlenyona kïkötö ngokikwa akïlö, ‘Kighwecha ECHOTYON Kimuktoghin kïrïp kegh nko otöptinecha nko ighisyewutköcha akïlenyoni wölo kidecha.’ ”

DANIEL 9:12

Kighanyi lenyini kimwaghanyi lö, oghwecha nko pöytoghicho, kitönönyi sitöt nyo wow Yerusalem nyo möminye sitöt nyo kimungenyi asistanka ngwïny kïmïkul, nyo lenye nyoni.

LOK 4:22

Kikemuny Sayon ompö ngokichi akikumuchö melö tökerongecha ngat kepe pïnotön wölo melö lenyoni ompö nyi we Edom, tökïsis kïmunginyi ECHOTYON ngongu nyinte ngokiku kipka sany.

LOK 2:8

Kikïmwa ECHOTYON lö kirulöy nïyetwo Sayon kikumil nyinte nïyetwe akïsïwa lö möminye ompö kite nyo ngötu akurulto nyo mesyonchïnye kiruyö ye nyu ngwïny koghi nïyetichi kutïkumö.

YEREMIA 21:14

Kamwaghan ante ECHOTYON lö, Opelonan kayoni pö pöytoghin ma kuwit opelonan ma nyo metukönye kïgh anka tïkwïl.”

YEREMIA 13:14

Atolapay aghan kïwir kegh chane, cho echön nko cho mïnkech amesyonanïnye amotukanye. Owongan chane lökïr.’ ”

YEREMIA 36:7

Töptoy ana lïmöy Tororöt sowutkökwa akïwöghökisyö akïpïstö ortïnekwa cho ghach ompöwölo ngwonöch lakat ngala cho kamwa ECHOTYON lö owetöy oghchini pïchete ompö nörekyenyi.”

ESEKEL 6:12

Meghöy nyo low ompö amal kïmegha nyo lekït chok akïma nyo kedongö ompö kikar. Lenye nyoni nyu nörekyenyan ompö chane.

ESEKEL 36:18

Kïlenyona onörekyan chane nyoman ompö kisön cho kimïltegha koronï kïropchini körkeyïntin ropöw, kilïkwï nyu koronï sïmnyon.

SEPANIA 2:2

kïtomö kepuktokwa le morïr cho kutïtoy yomat, akïtomö kwitwokwa nörekyo ECHOTYON nyo nöghöy le ma.

LAWIN 26:28

onörekyinokwa nyoman amungokwa kïnyïl mut nko odeny kïtïl chay pö tagh.

ISAYA 51:20

Pïtyot pikökwa ompö nyörkölelyö, ompö ara kanasyan anka tïkwïl. Lata cheptirkich nyo kanam ngöghöpo sökosin. Könyorï chane nörekyo ECHOTYON, kanam chane sïngiryo Tororöt.

LOK 2:1

Keluma Echotyon Sayon* tuwïn pö nörekyenyi. Kewur nyinte tïkwïn cho kikuso kegh pipö Israel kïlïkwï kwïle. Amelö kitökunan ompö nyini le Konyi nyo pö saghat, ompö asisoni pö nörekyenyi.

LOK 2:3

Kiwurwur Echotyon owesyo Israel ompö nörekyenyi. Kitagh kungarakecha otini kitwecha pung akiporyeghenecha le lyopöt pö ma, nyo pelöy kïgh anka tïkwïl lömïs.

LOK 2:4

Kiwutö pikachi kotï le punyontengwa, kipar pich löwïr cho kikïchömonecha kegh akuluma Yerusalem nörekyenyi nyo nöghöy le ma.