22 Möngötönye chomnyo ECHOTYON kokay, melö wonyot kisyonutkachi.
Wölo nyi, we Echotyon nyo ichï Tororöt pö kisyonchin nko pöropchö, melö ichinyi nörekin, wölo pö chomnyengu kokay akeghöninyi.
Akïtöpo kisyonötenyi nko pich cho konyïtöy nyinte ompö pïnwöy löwïr.
Melö kipïstenyi chane anta iwang, ompöwölo wow kisyonötengu. Ichinyi Tororöt nyo pö köromnyö nko kisyonöt.
“Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs.
Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat
Kunan muma* nyo kyam nko chane, kusyonchï chane kïrïp kegh nko chomnyenyi nyo wow nyo möwöghokonye.
Kikuwonyö so chomnyenyi kokay? Melö tökïpïntoy so kiyomisutkachi ngat?
Melö ighwecha kïrïp kegh nko ngokicha amelö ghokecha kïrïp kegh nko ngokicha.
Kïlenyona wïyö mwochinö Israel lö kamwaghan lö, Mïlena wölo omitan we Israel, nyi nyo mechï ghanate. Mwoghöy ECHOTYON. “Melö nyu torosinyi ngat ompö nörekyö, ompöwölo otïngetan kisyonchin. Mwoghöy ECHOTYON. “Amelö onörekan kokay.
Ompöwölo omitan nko nyi, tosörunyi. Owonyan lökïr koros löwïr cho kyotoytoychekwa. Momungïnyinye tya ntewonyö wölo inyorunenyi kïnye sitöt nyo mïchinote.” Mwoghöy ECHOTYON.
Kïlenchï Daudi Kad, “Omitan ato kampalal! Wölo mochömanye kïkonanïn ptangengmöt sitöt. Nya kïkonecha ECHOTYON sitöt, ompöwölo tïng kisyonöt nyo wow.”
Mewïnga kegh mötworintengu, mölyöngwante lawel, ompöwölo omitan nyarïl.
Melö so werïnyan Israel nyo le chaman? Montönyan nyinte nyini ochömonan kegh. Nka nyay mowutyeghenanye nyinte kïrkegh akutan. Soröy mïkulöwunyan wölo mi nyinte ompö köromnyö Osyonchinan nyinte nyo mötïny. Mwoghöy ECHOTYON.
Itïngetenyi kisyonchin nko lastaghpa ngokï, kïrkegh kikïtaghichanyi, we Tororöt.
