LOK 3:15 - PIPÏLIA

¹⁵ Keghanïn nyinte owongwï alatan chi nyo kökisïlum kïnïkïgh tïkwïn cho ngwonöch tya.

LOK 3:15 Referans Kwoze

YEREMIA 9:15

Kïlenyona, olentan ante ECHOTYON Kimuktoghin, Tororöt pö Israel, opöghenan pïchï tïkwïn cho ngwonöch, atö kïgha pögh cho mi ködöwï.

LOK 3:19

Ononan nyarïl nko kiwongut nyo kyonyorwan, kiwongut nyo karkegh nko nyo pö chi nyo kakwigh kïnyïkwïda ködöwï.

YEREMIA 25:27

Atolapay kïlenchanïn ECHOTYON, “Lenchinö pïchoni kamwaghan ante ECHOTYON Kimuktoghin, Tororöt pö Israel lö, ‘Aghegha dipay choni, atömesyö, anguntoy, apïtyö nyo momuke ongetyenö, ompöwölo opkokwa poryot.’

YEREMIA 23:15

“Kïlenyona omwoghan ante ECHOTYON Kimuktoghin paraku werkoy choni pö Yerusalem lö, otönan chane kwam tïkwïn cho ngwonöch. Otönan kïgha pögh cho mi ködöwï. Ompöwölo kipotö pich kiwaghata Tororöt kïngeta werkoy pö Yerusalem ntökïghömï kor kïmïkul.”

TUMWÖY 60:3

Ketönönyi piköku kuwongunö sompïris, kakïkwongkwongisyecha le ptamasis.

AYUPU 9:18

Möpïswanïnye ompö omuny wölo nyïghitanïn ngwonïn.

RUS 1:20

Kïlenchï chane, “Mokurenanïn Naomi okurenanïn Mara, ompöwölo kegh Kimuktoghin söpontönyan kïngwanit.

TUMWÖY 88:4

Kikeyitanïn le chi cho wetöy pïrïm, alatan chi nyo mötïnye

YEREMIA 4:18

“Kechumchinyi choni löwïr, we Yuda, kïrïp kegh nko otöptöngu nko ighisyewutköku. Nka nyoni nyarïl nyo ngwan nyo itunyi, ngwan nyo ilïmchinenyi mïkulögh ori.”

YEREMIA 9:14

wölo kilïkwï penyï atolapay kïrïp tighintöno mïkuliskökwa, akïsagh körkeyïntino Paal* le wölo kinet papotïnekwa.