KIRWOKÏ 8:3 - PIPÏLIA

³ Akï ne akikutö Tororöt morikwa wowïntino lïko Midyan nko Sinay nko Seep? Möminye kïgh nyo kaghan kïtïl nyo kaghakwa.” Otini kiwang kïmwa ngalechoni, kuwonyö nörekyengwa.

KIRWOKÏ 8:3 Referans Kwoze

NGÖTÏNYÖ 15:1

Yodoy nörekyö mölyöngunötö nyo talase wölo ngetöy narek ngölyon nyo kolkol.

PILIPI 2:3

Magh kïgh anka tïkwïl ompö ma nyo gha anta ompö menöt, wölo ompö rïngata kegh oyitö pikö walaka lö pö tösunöt kïtïlokwa.

RUMI 12:6

Kepöghisyeghenö nyu ropöwecho cho sisinchö kïrïp kegh nko pöropcho Tororöt nyo kökonecha. Nyo ato röpöwonto chi ki werkoynön, kipöghisyeghö kïrïp kegh nko kighanatenyi.

RUMI 12:3

Akwompöwölo kicham Tororöt kïkonanïn pöropchenyi, omwowokwa lapay lö, mop kegh yïm tya kïtïl wölo kalatekwa. Wölo akanya kurwokyï kegh chi anka tïkwïl kïrïp kegh nko kighanat nyo ketö Tororöt nyinte.

YOANA 4:37

Lïku nyu man mwaghatanay lentöy, ‘Letoy chitö anka, kwilöy anka.’

NGÖTÏNYÖ 25:15

Muko kekïnkïn pöytoghin ompö mïkukönöt, akumuköy ngölyon nyo talase kuriy kowö.

NGÖTÏNYÖ 25:11

Karkegh ngölyon nyo kakïmwowï ato mïchini nko akwa koltin cho kakïtötyï wïsino silpa.

NGÖTÏNYÖ 16:32

Karam chi nyo melö nöreköy lawel kïtïl chi nyo awes, akïkaram nyo tungöy mïkulöwunyi kïtïl chi nyo pöröy kanasyan.

TUMWÖY 115:1

Ewo, machanye, we ECHOTYON machanye, wölo kaynengu nyo kitöni ororyö, akwompö chomnyengu nyo möwöghökonye.

TUMWÖY 44:3

Melö kirïntegha piköku owesyeto chokonikwa amelö kirïnta chane ompö owesyengwa kegh. Kirïnta chane ompö owesyengu akinkït lö, kimitenyi tïkwïl, ompöwölo kichamanyi chane.

KIRWOKÏ 8:2

Wölo kïlenchï pïchoni, “Mi ne nyo kaghan nyo wow kïtïl nyo kaghakwa? Kegh pipö Epraim kïgh nyo wow tya kïrkegh kömïnïng, kïtïl nyo kegh ara Apieser.

KIRWOKÏ 8:4

Kökikwitï atoni Kidyon lalwa Yordan nko pikachi 300 cho kimi nko nyinte, akökikwoghyö lalwanoni akitökïyonöy chane kïrkegh kikwam kömöy akwoghochö.