KIRWOKÏ 8:10 - PIPÏLIA

¹⁰ Kimi Sepa nko Salmuna atoni Karkor nko piko lïkengwa cho ngata 15,000 cho kingötunö pipö kongasis. Kepar cho le 120,000.

KIRWOKÏ 8:10 Referans Kwoze

KIRWOKÏ 7:12

Kimi wöloni le mpöghogh pipö Midyan nko cho pö Amalek nko pïchoni pö okumpö kongasis. Ki chang chane le talam, akitïng tamasay cho chang le ngayam cho mi nanam.

2 PÖYTOGHÏ 3:26

Nyini kisïwa pöytoghinto Moap lö kikerïnta pipö lïkenyi, kumukyï nko pikachi 700 cho tïng chokon lö kïlïtöy kwenu pungkökwa tökepe ketuyenö nko pipö pöytoghinto Sirya wölo kupöl.

KIRWOKÏ 20:46

Kïlïkwï pïchoni pö Penchamen tïkwïl kikïpar asisoni 25,000 aki pipö lïk chane löwïr cho kile nyökon.

KIRWOKÏ 20:35

Kutö ECHOTYON pipö Israel kïrïnta pipö Penchamen Kïpar pipö Israel asisoni pipö lïk cho pö Penchamen cho le 25,100.

KIRWOKÏ 20:25

Kïpkana pipö Penchamen kanasyanta Kipea asisto odeny, akïpar pipö Israel 18,000 cho kiporyegho chokon.

KIRWOKÏ 20:17

Otini kikiyit pipö Israel kïlïkwï pich mïrön 400,000 cho kiporyegho chokon cho pö lïk kïsis pipö Penchamen.

KIRWOKÏ 20:15

Keyit pipö Penchamen asisoni cho kipkana kanastinekwa, kïlïkwï pich 26,000 cho kiporyegho chokon, amelö kikiyit pich cho kimöngöy Kipea cho kile pich 700 cho kikïlöwön

KIRWOKÏ 20:2

Kimi kirwokotï löwïr cho pö ortïna pipö Israel tuyononi pö pipö Tororöt. Kingata chane pipö lïk 400,000 cho kiporyegho chokon.

ISAYA 37:36

Kïwö oghononi malaykayanta ECHOTYON wölo kimöngöy pipö Asirya akïpar pipö lïk 185,000. Nyini kiyech atole asïyech, kelö kïtopön kimeghö chane löwïr!

ISAYA 9:4

Ompöwölo keriyönyi mchoki ompö kotwonikwa, nko syariti nyo kimungöy puwanikwa, le wölo kirïntenyi pipö Midyan.

2 OTÖPTINO OSIS 28:8

Kinam pipö Israel kïrat werkökwa cho le 200,000, kïmi korï nko karachïna nko tipïn akusup pörunön cho chang akurit kutang Samaria.

2 OTÖPTINO OSIS 28:6

Kipar Peka wero Remalia asis akonga mïrön pö lïk cho le nyökon 120,000 cho pö koro Yuda ompöwölo kipïstö chane ECHOTYON Tororöto papotïnekwa.

2 OTÖPTINO OSIS 13:17

Kirïnta Apiya nko piko lïkenyi ompö pöryononi, kipar nyökon cho pö okumpö Israel, mïrön cho le 500,000.

KIRWOKÏ 7:22

Akwotini kipechï kïkut kontinechay le 300, kwigh ECHOTYON chane kïpar kegh. Kupertoy chane ntökwit Pet Syita wölnö pörtoy Serera, ntökwit kanasyanta Apel Meola, wölo lekïto Tapat.

KIRWOKÏ 6:5

Kipka chane nko twakwa nko emenikwa, kïtuwit le talamnya ompö chongïn, kimemuchönye chi ntökuyit pïchoni nko tamasayikwa. Kïtïkatïk chane kore kunyara.

KIRWOKÏ 8:11

Kïwö Kidyon kïpusta ara pich cho kimöngöy emen cho kimi Nopa nko Yokpea okumpö kongasis, kumir pipö lïk cho kimi wöloni akïpar.

KIRWOKÏ 7:13

Nyini kitïta Kidyon, kïlïm chi nyo kyomchini kongenyi kirwotïtoghtanyi. Kimi kïlentöy, “Korwotïtan lö, kötörenchï makatyanta matay möngo pipö Midyan akïwir ema. Kïrul lö wanka.”