KIRWOKÏ 6:2 - PIPÏLIA

² Kïpar pipö Midyan pipö Israel tya, kïlenyona kïyörchï kegh pipö Israel köpönot nko wölo ghïpate ompö komos.

KIRWOKÏ 6:2 Referans Kwoze

EPRANIA 11:38

Pich cho kimömïchïcha kïtïpï ngwïnyinete! Kirwötöy chane ompö surkwen nko kutïnkot nko köpönot akimöngöy köpönot anko pïrïmpot cho mi ngwïny.

1 SAMWEL 13:6

Nyini kisïwa pipö Israel lö kikeyonech, kïwïnchï kegh köpönot nko pïrïmpot nko wudïn nko karertin nko kori pöghon.

NGONGUT 6:15

Atolapay kïpechï pöytoghi ngwïny nko pich cho owesöch cho echön nko echot nko monkor nko cho owesöch nko chi anka tïkwïl nyo le sekeyon anta nyo tyakate, kïwïnya kegh chane köpönot nko kutïngkot.

1 SAMWEL 14:11

Kuporchï kegh chane kwodeny pipö Pilisti, kïlö Pilisti, “Achï pipö Eprania kapkana pïrïmpotichay köwïngo kegh.”

LAWIN 26:17

Onörekyinokwa akïparakwa pungkökwa, chane chona reyokwa kïpöytonekwa. Okörköritukwa nyo oryöghekwa kwïle kïrkegh melö kayonokwa chi.

KIRWOKÏ 6:3

Otini kikötköt pipö Israel parenikwa, kïpusta pipö Midyan wölini nko pipö Amalek nko pich cho kimöngöy okumpö kongasis akïporyö nko chane.

YEREMIA 41:9

Köyay pö pögh kiwirchï Ismael porwöyi pïchay kipar nyinte kï kö pö pögh nyo wow nyo kiwas köny pöytoghin Asa atökïwïnga kegh ato kiporyot nko Paasya pöytoghinto Israel. Kiwirchï nyu Ismael porwöyi pïchay kipar nyinte köyay pö pögh kïnyïghï.

YEREMIA 48:28

Akwa pipö Moap! Opïstenö momönge kanastin. Ape amanga köpönoti koghïn. Agha le chepïrïmpen cho teköy korikwa renkeröy

KIRWOKÏ 10:8

Kichop kong pïchoni pipö Israel könyinoni akwigh lenyoni ompö könyis 18 otini kimöngöy koro pipö Amori, okumpö kongasispa lalwa Yordan nyo mi Kiliad.

KIRWOKÏ 10:9

Kwoghyö tïkwïl pipö Amon Yordan atö kïporyeghö pipö ara Yuda nko cho pö Penchamen nko cho pö Epraim. Kïsïch nyu pipö Israel nyarïl nyo wow.

AYUPU 30:6

Kingwangwan kïpa kïmang ngötutöy, akïmang pïrïmpot nko köpönot.