KIRWOKÏ 6:15 - PIPÏLIA

¹⁵ Kuyokyï Kidyon lö, “We Echotyon, osörunan pipö Israel lö ne? Akwanyï nyarkalal koncha ompö ara Manase, akwani nyo ochï mïnïng tya ompö koncha.”

KIRWOKÏ 6:15 Referans Kwoze

1 SAMWEL 9:21

Kïlö Saulö, “Opoyan or nyo mïnïng ompö ortïna pipö Israel, akï mïnïng koncha ompö ara Penchamen, ompö ne nyu temwowaninyi lenyoni?”

WUWÖT 3:11

Kïlö Musa, “Ochan ngo nyo owetöy wölo mi Parao amïtï pipö Israel kïwuwunö Misri?”

WUWÖT 4:10

Wölo kïlenchï Musa ECHOTYON, “Echotyontenyu, melö ochan ngölonin kïngata otini le köny anta kïngata otini kengölonwaninyi, ompöwölo aghïgh kutinyan.”

YEREMIA 1:6

Oyokyan nyinte lö, “Muko lö ne nya we Echotyon TORORÖT ngölyontononi? Monkïtönye ongölonöy ompöwölo tochan monïng.”

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

1 KORINTO 15:9

Ompöwölo ochan mïnïng tya ompö pïchoni löwïr Kiyoktö Yeso, amömïchinanïnye ompö kekurenanïn kiyoktoghin,* ompöwölo kyachopan kong kanisa Tororöt.

LUKA 1:34

Kïlenchï Marya malaykayantanay, “Ekumukisyot ngalechï lö ne akwanyï melö kyochömisyan?”

MIKA 5:2

Ngwïnoninyi we Petleem nyo ipo Eprata nyo ichï mïnïng ompö ortïna pipö Yuda pöytoghintö ompö ani nyo lïku pöytoghin ompö Israel pöytoghin kïpö könyisyok.

YEREMIA 50:45

Kïlenyona atera ngölyonto sitöt nyo katatan lö nyoru pipö Papilon nko wölo odenan pipö Papilonia. Nyo pö nyoman kichïto kat monekwa akep kïpo do. Otyot akïmïghyö nyoman pich löwïr.

1 SAMWEL 18:23

Kïmwochï mötwori Saulö Daudi ngalechoni. Kïlö Daudi, “Ononekwo so lö kïgh nyo mïnïng kep chepö pöytoghin, mosïwïyekwanye so lö ochan meywon nyo tuw, amochanye rumunote?”

TOWUNÖT 32:10

Melö kömïchinanïn nyonikïny onyorï kisyonötengu nko mantangu nyo kiporwaninyi mötworintengu, ompöwölo kimotïngetanye kïgh nyonikïny atakinye kyoghyonan lalwanï pö Yordan kïpoto lïkïp, akwanyï ye otïngetan okwotin cho le odeny.

KIRWOKÏ 6:11

Kungwïn nyu malaykayanta ECHOTYON akïtöpö ket ghït nyo tïlil nyo pö Yoas nyo kipö ara Apieser ompö Opra akimi werïnyi Kidyon kïkötöy nkanun ompö ato kïpïro kinyero sapipun, atö kïwïnya nkanunechoni pipö Midyan.