KIRWOKÏ 5:31 - PIPÏLIA

³¹ Nya kuwonyö punköku, we ECHOTYON! Wölo ikany kulïwï kongotiku le asis otini kapusï ompö owesyenyi. Kïnyorï korononi kalya ompö könyis tömönut angwan.

KIRWOKÏ 5:31 Referans Kwoze

TUMWÖY 37:6

Ighöy kirwokutköku kïrumï le löpoyïn, akwigh mantangu kulïwï le pöghet.

2 SAMWEL 23:4

kulïwchini chane le löpoyïn pö tökwoghö, le asis nyo möminye polta, nyo ighöy sus kusïl otini kepech korö.”

1 PETRO 1:8

Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

1 KORINTO 8:3

Wölo ato cham nyinte Tororöt, kunkït Tororöt nyinte.

DANIEL 12:3

Lïwu cho ngöghomöch le asis. Akulïwu cho ntöghoghchini pich kwigh man le kokel kokay nko kokay.

TUMWÖY 91:14

Lentöy Tororöt, “Osörunan pich cho chömanïn akomönan chane ompöwölo nkïtanïn.

TUMWÖY 89:36

Töpo orenyi kokay akïtöpö paytaghtanyi le asis.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

MATAYO 13:43

Atolapay kulïwï pipö Tororöt le asis ompö Pöyunöto Papongwa. Ato itïng chi yitïn cho ilïmo, ilïm!

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

TUMWÖY 97:10

Chömöy ECHOTYON pich cho reyöy ngokï, ripöy nyinte söponwo pikachi akïsörunö chane ewuno pich cho ghach.

KIRWOKÏ 3:11

Kïnyorï korononi kalya könyis tömönut angwan, atolapay kïrapas Otniel wero Kenas.

TUMWÖY 97:8

Akanya kïngörekyö pipö Sayon,* we ECHOTYON, akïturonchö kanastina Yuda ompö kirwokutköku.

TUMWÖY 92:9

Kinyoröy punköku nyo mötïny, we ECHOTYON aketoyot mwokïyis löwïr!

KIRWOKÏ 3:30

Kïpayta nyu asisoni pipö Israel koro Moap. Kïnyorï korononi kalya könyis 80.

KINONO KIRURUT 6:5

Achama ECHOTYON Tororötïngwo ompö mïkuliskökwo kïmïkul nko ompö söponwekwo kïmïkul nko ompö owesyengwo kïmïkul.

WUWÖT 20:6

Wölo osyonchinan pich cho makïrar cho chömanïn, akïripöy kirurutköchan.

NGONGUT 18:20

Ngaraka yïmö ompö kiwurata Papilon! Ongörekyenö pipö Tororöt, kiyoktoghï nko werkoy! Ompöwölo kakurwokyï Tororöt nyinte ompö tïkwïn cho kighwakwa!

NGONGUT 6:10

Kuteghyö chane ompö kut nyo wow lö, “Echotyon Kimuktoghin nyo tïlil nyo pö man! Itöponenyi nko oyï irwokyinyi pipö ngwïny chï kaparecha?”

EPESO 6:24

Nya kïtöpö pöropcho Tororöt nko pich lapay cho chömöy Echotyontenyo Yeso Kristo ompö chomnyogh nyo mewonyotnye.

NGONGUT 1:16

Kinömo ewunyi nyo pö tagh kokel mut nko odeny, atolapay kungwïna kutinyi chok nyo ngatip woptine kwodeny. Kilïwu tokochunyi le asis nyo ngwan.

2 SAMWEL 18:31

Kwitï chichay pö Kus akïlö, “Lökoy cho karamach ompö pöytoghin! Ompöwölo kösörunyi ECHOTYON asete ompö pich cho kömököy kïngöminyi.”

TUMWÖY 89:37

Töpo kokay le arawa, söwin nyo mi yïm nyo ghyongtoy.”

KINONO KIRURUT 7:9

Kïlenyona onkïtï lö, ECHOTYON Tororötïnkwa kï Tororöt nyo ghanate. Komönöy nyinte mumenyi nko chomnyenyi nyo melö wöghöko ompö pich cho chömöy nyinte akïrïpöy kirurutkachi, ntökwitïta pïnwöy cho makïrar.

2 SAMWEL 18:32

Kïtep pöytoghintö chichay pö Kus lö, “Mi nyo karam Apsolom?” Kïlö chichay pö Kus, “Mïchini kwigha ompö pich cho le punköku nko pich cho mököy kïngöminyi le ato kegha ompö Apsolom.”

TUMWÖY 19:6

Pusuno sörömu anka nyo pö yïm akïröytö sörömu anka, möminye kïgh nyo wïnyo kegh kilayatenyi.

TUMWÖY 20:8

Ngïrukisyot chane akupïtyö, wölo kïngetecha akeghyong lasiny.

TUMWÖY 92:10

Kekonaninyi owesyö nyo teno nyo pö so, aiyilenaninyi mwagh olïmchan kegh nyo karam.