KIRWOKÏ 3:8 - PIPÏLIA

⁸ Kïlenyona kïngwanit nörekyo ECHOTYON lö kat ompö pipö Israel, akwigh chane kerïnta kïpöghisyechï pipö Israel Kusyan Risyataim pöytoghinto Mesopotamia könyis mut nko sömök.

KIRWOKÏ 3:8 Referans Kwoze

KIRWOKÏ 2:14

Kïngwanit lö kat nörekyo ECHOTYON ompö pipö Israel, kïpïstö chane kenam akesara tïkukwa, akutö chane moriko pungkökwa cho kimang kuwitwit chane, amelö kitökumï pipö Israel ntökughyongtö ngat.

APAKUK 3:7

Kyasïwan pipö Kusyan lö kyotyö tya ompö emenikwa, akimi pipö Midyan kïpotonchot ompö mïghöt ompö kestonikwa.

KIRWOKÏ 4:9

Kïlö, “Owetan nko nyi nyo mötïny, wölo melö nyorunonyi konyït panoni iwetenyi, ompöwölo töni ECHOTYON Sisera mori korka.” Atolapay kïngeta Depora ataye akïwö kutang Kedes nko Parak.

RUMI 7:14

Kinkïtöcha lö, Kirurut pö Tororöt kï pö mïkulögh, wölo ochan ptangengmöt nyo kikyelta kïlïkwï sekeyonto ngokï.

ISAYA 50:1

Mwoghöy ECHOTYON lö, “Olentekwa so kotulön pikachu, le chi nyo tyoköy korkenyi? Akwato ononekwa lenyoni, kunko nyu palaltina kityakat? Olentekwa so kyaltakwa ape koro pïnotön le ato oltoy chi monechi kïpa kïlïkwï sekey? Ewo, kyapekwa alïkwï nanam ompö ngokikwa kegh, kikitulokwa ape wölo low akwompö penyutkökwa.

TUMWÖY 85:3

Kichengenyi chane nörekyengu kïmïkul aipörchinyi patagh nyölotyengu nyo ngwan.

TUMWÖY 6:1

Mechilante, we ECHOTYON, ompö nörekyengu, anta ichopanïn kong ompö sïngiryengu.

1 SAMWEL 12:9

Wölo kïwutyeghö chane ECHOTYON Tororötïngwa, kutö ECHOTYON chane mori Sisera yetïn pö lïko kanasyanta Asor nko mori pipö Pilisti nko pöytoghinto Moap cho kiporyeghö chane papotïnekwa akïrïnta.

KIRWOKÏ 2:20

Kïngwanit nörekyo ECHOTYON lö kat ompö pipö Israel, akïlö, “Ompöwölo kapeny pich mumenyan nyo kyaman nko papotïnekwa, amelö kötökïter ngalechan,

KINONO KIRURUT 32:30

Kïlö ne tökïyon chi akong pich cho le elpu akonga, akïyon pich odeny opïn pich elpun taman? Kïpoto ato kyalta ECHOTYON chane, akïpïstö Ghetintengwa chane.

KINONO KIRURUT 29:20

Mölöstoghchininye ECHOTYON chi nyo lata nyoni, wölo yetu nörekyenyi tya ompö chichoni, atolapay kïtöpö parakunyi chïpötö anka tïkwïl nyo kakikir kitapunï ntökïtenö kuwany ECHOTYON nyinte lö karpïs.

WUWÖT 22:24

Onörekan tya aparakwa. Lïku korukwa mïsïktin akïlïku monekwa pönon.

KIRWOKÏ 3:7

Kwigh pipö Israel ngokï ompö tawu ECHOTYON kïwutyeghö ECHOTYON Tororötïngwa, otini kisagh körkeyïntino Paal* nko Asyera.*

KIRWOKÏ 3:9

Wölo otini kirirchï pipö Israel ECHOTYON kïkïl nyinte chi nyo kisörï chane, chichoni kï Otniel wero Kenas, werto ompö Kalep nyo mïnïng.

KIRWOKÏ 3:10

Kungwïnchï Mïkulöwu ECHOTYON nyinte, akurwokyï pipö Israel akïset lïk, kutö ECHOTYON Kusyan Risyataim pöytoghinto Mesopotamia morichi.

TUMWÖY 44:12

Kyaltenyi piköku kegh ompö olyot nyo le kite amelö kinyorunyi tösöw ompö altaghnoni.

TUMWÖY 129:1

“Kichopanïn pungköchan kong kïnyïl cho chang kïngata otini kitochan chumwak,” nya kïmwowï Israel.

TOWUNÖT 24:10

Atolapay kïcheng mötworintonay pö Apraam tamasayiko echotyontenyi cho le taman akïwechï kegh. Kimi kwipöy tïkwïn tïkwïl cho pïchighöch cho kiroptoy cho kichenga kato echotyontenyi, akïwö kutang kanasyan nyo kimöngöy Naor, nyo kimi koro Mesopotamia.

LAWIN 26:17

Onörekyinokwa akïparakwa pungkökwa, chane chona reyokwa kïpöytonekwa. Okörköritukwa nyo oryöghekwa kwïle kïrkegh melö kayonokwa chi.

TUMWÖY 106:41

Kutö chane mori pipö punton, kïpayta pungkökwa chane.