KIRWOKÏ 3:7 - PIPÏLIA

⁷ Kwigh pipö Israel ngokï ompö tawu ECHOTYON kïwutyeghö ECHOTYON Tororötïngwa, otini kisagh körkeyïntino Paal* nko Asyera.*

KIRWOKÏ 3:7 Referans Kwoze

WUWÖT 34:13

Ingany ato kïpelo amöros airul pchörinekwa aitör tororötinekwa Asyera.

2 PÖYTOGHÏ 23:6

Akïsïtunö Asyera Kö pö Tororöt ompö Yerusalem ntökwit mpöghoghyo Kidron akïpela wölini akïghamït areni akïlösyï wölo kïtïpchini pich kïtïkon.

2 OTÖPTINO OSIS 33:19

Kïkany sowutkachi nko wölo kiterta Tororöt somötenyi nko ngokichi löwïr nko wölo kipïsteghtö kighanatenyi nko onkuninö kitekta wölo kïsogho körkeyïntin akupintit Asyera, tororöt nyo le korka nko körkeyïntin, atanya kitomönye kïrïny kegh Manase ompö tawu Tororöt, kukirote kitapu otöptino werkoy.

2 OTÖPTINO OSIS 33:3

Kitek ngat Manase wölo kïsogho körkeyïntin cho kikikunyar paponyi Esekia. Kïwechï Manase kïtek ato kïpelo amöros kïsogho Paal,* akwigh körkeyïntino tororöt nyo le korka nyo kïkuro Asyera* kïkïtïngchï akïsagh kokelya yïm löwïr akï pöghisyechï.

2 OTÖPTINO OSIS 24:18

Kïpïstö pich kïsagha Kö pö ECHOTYON Tororöto papotïnekwa, akutor kïsagh körkeyïntin nko Asyera* tororöt nyo le korka. Kïnarek ECHOTYON ompö Yuda nko Yerusalem ompö ngoki choni kigh.

2 OTÖPTINO OSIS 15:16

Kiyon pöytoghintö Asa kame Maaka ompö ngacharu paytagh ompöwölo kikikwigh körkeyïntino Asyera.* Kirultö Asa körkeyïnoni pö Asyera akïtïghotïgh akïpel ompö mpöghoghyo Kidron.

2 PÖYTOGHÏ 23:14

Kurultö Yosia pchörino koghïn kïmïnchïrisyö, akïtörotör körkeyïn pö Asyera tororöt nyo le korka akunyïghit otini kighyongo koyo pich.

1 PÖYTOGHÏ 18:19

Kïlenyona mwochinö pipö Israel kïpka kïnyorchanïn kutïng pö Karmel, apkan nko werkoyi Paal chay le 450 nko werkoy 400 cho pö tororötay le korka kïkuro Asyera.* Werkoyichoni chay pöghöy Yesepel ompö konyi.”

1 PÖYTOGHÏ 16:33

Kigh Aap ECHOTYON kïnarek kïtïl pöytoghi Israel walaka löwïr cho kimi tawunyi, otini kigh körkeyïn pö tororöt nyo le korka nyo kïkuro Asyera.*

KIRWOKÏ 6:25

Kïlenchï ECHOTYON nyinte oghononi, “Kata kïrkïto papongu nyo pö odeny nyo pö könyis mut nko odeny, aiwö irul ato kipelo papongu amörostino Paal,* aitör Asyera* nyo lekïto atoni.

KIRWOKÏ 3:12

Kwigh pipö Israel ngokï ngat ompö tawu ECHOTYON. Kïlenyona kutö ECHOTYON Eklon pöytoghinto Moap owesyö kïrïnta pipö Israel.

KINONO KIRURUT 16:21

“Ametö körkeyïn pö ket nyo pö Asyera* atolekïtö ato kïpelo amöros pö ECHOTYON Tororötïngu.

KINONO KIRURUT 4:9

Wölo orip kegh nyoman atömotöp ntowutyeghö tïkuchanye löwïr kyasïwekwa. Amopïstö ngalechï asïyech kokay, omwochï monekwo tïkwïl ngalechoni nko moneko monekwa,

2 OTÖPTINO OSIS 34:7

Kïngwïs nököghoni amörostin akunyaknyak körkeyïntino Asyera tororöt nyo le korka nko körkeyïntine walak kïlïkwï pïsya, akïtörotör nököghon löwïr cho kikïpelo amörostin ompö koro Israel kïmïkul. Atolapay kïmïla kutang Yerusalem.

2 OTÖPTINO OSIS 34:3

Ompö könyi mut nko sömök nyo pö paytagh tanyi ato kitökïkarachïnin kutor kïyar kïsagh Tororöto paponyi Daudi, akïnyini kirel könyito taman nko odeny, kutor kunategha wölo kïsogho körkeyïntin ompö Yuda nko Yerusalem. Kinategha wölo kïsogho körkeyïn nyo kïkuro Asyera* nko körkeyïntine walak cho kikipat nko cho kikitany.

KIRWOKÏ 3:8

Kïlenyona kïngwanit nörekyo ECHOTYON lö kat ompö pipö Israel, akwigh chane kerïnta kïpöghisyechï pipö Israel Kusyan Risyataim pöytoghinto Mesopotamia könyis mut nko sömök.

KIRWOKÏ 8:34

Akimökunancha chane Tororötïngwa nyo kisörunö pungkökwa cho kimang kuwit chane.

1 SAMWEL 12:9

Wölo kïwutyeghö chane ECHOTYON Tororötïngwa, kutö ECHOTYON chane mori Sisera yetïn pö lïko kanasyanta Asor nko mori pipö Pilisti nko pöytoghinto Moap cho kiporyeghö chane papotïnekwa akïrïnta.

1 SAMWEL 12:10

Kïrirchï papotïnekwa ECHOTYON, akïlenchï, ‘Kikeghacha ngokï, ompöwölo kikïtaghacha ECHOTYON, akepöghisyechï Paaltin* nko Astarotin.* Wölo sörwecha ye nyu ompö mori pungköcha, atökepöghisyewuchanyi.’

TUMWÖY 106:7

Melö kiyang papotïnecha ighisyewut pö Tororöt cho pö töngönchin otini kimi chane koro Misri. Kiwutyeghö lö kisyonchï nyinte chane ompö chomnyenyi nyo pö kïtenö, akïpeny ngala nyinte nyo Töror Tya ompö sörömu Nanam nyo Pïrir.

YEREMIA 23:27

Mököy chane ompö kirwotïtoghtinekwa choni kïwutyeghanïn piköchan le wölo kiwutyeghanïn papotïnekwa kïpa kïsagh Paal.

KINONO KIRURUT 8:11

“Orip kegh nyu tömowutyeghö ECHOTYON Tororötïngwo atagh kirurutkachi löwïr chï omwowokwa asete.

KINONO KIRURUT 8:14

Malïkwï pich cho le menot, atömowutyeghö ECHOTYON Tororötïngwo nyo kimïtunenokwa koro Misri ongetunenö sekeynön.

KINONO KIRURUT 8:18

Wölo anan ECHOTYON Tororötïngwo ompöwölo nyinte nyo konokwa owesyö nyo inyoruno sïkönöt, atökuchïchim muma* nyo kyam nko papotïnekwa atökïripöy nko nyete le ye.

KIRWOKÏ 8:33

Otini kirapas Kidyon, kïwöghökisyö ngat pipö Israel lawel kïlïkwï kalomak akïsagh Paal.* Kwigh Paal Muma kïlïkwï tororötïngwa.

TUMWÖY 106:35

Wölo kighömö nko chane akunet kegh otöptinekwa.

TUMWÖY 106:36

Kïsagh körkeyïntin, cho kïlïkwï ngöghöp ompö chane.