KIRWOKÏ 19:16 - PIPÏLIA

¹⁶ Kite kwitï poyon nyo kingwïno parenyi otini kikwimön. Ki pö chichoni koro komoswo Epraim, akimöngöy Kipea le ton, wölo kimang pipö Penchamen wölini.

KIRWOKÏ 19:16 Referans Kwoze

TUMWÖY 104:23

Atolapay kïnget nyu pich akïpa kwigh ighisyewutkökwa ntökwimön.

KIRWOKÏ 19:1

Kimi osiswechoni chi pö Lawi nyo kimöngöy le ton koro komoswo pö Epraim, akimöminye pöytoghintö Israel. Kip chichoni korka nyo kimi kanasyanta Petleem nyo mi Yuda kïlïkwï chemïnïngwenyi.

2 TESALONIKE 3:10

Kikïmwowokwa atanye kitökemitenöcha nko akwa lö, “Makany kwomisyö chi anka tïkwïl nyo melö chomöy kwighöy kïgh.”

EPESO 4:28

Nya kïpïstö chorin chorsyö akïpöghisyö atökïsïch kïgh nyo poröy nko nyo chopöy.

OMTOGHIN 5:12

Kïrkegh könyorï chi pö kasï omisyö anta kömökïnyorï nyo mïchini, kïtökïnyoru kïnye rïwön oghö nyo mïchini. Wölo nonsïyi sïkönö kïyech!

OMTOGHIN 1:13

Kyamakan asyach tïkwïn löwïr cho kighisyeghö ngwïny, osöghwan kisusut cho kitö Tororöt pich kïsïnga.

NGÖTÏNYÖ 24:27

Tatena ighisyengu wölnö le sany, aisat kïgh anka tïkwïl ompö parengu, ato muchö itek kongu.

NGÖTÏNYÖ 14:23

Mi tösunötö ighisyö anka tïkwïl nyo kilchini kegh chi, wölo ipu meywontön ngala kut kwïle.

NGÖTÏNYÖ 13:11

Chïchuköy kïgh sïkönöt nyo kakïnyorï lawel, wölo tösisyot cho pö chi nyo pösöy kï ngörï.

TUMWÖY 128:2

Inyorunyi tïkwïn cho imököy ompö kighotiku, ingörökenyi aipöghisyö nyo karam.

KIRWOKÏ 19:14

Kïlenyona kulet tagh nko pantangwa, wölo kïröytochï asis atolekïtö Kipea kanasyanta pipö Penchamen.

TOWUNÖT 3:19

Omenyi kighotiku, ntökïtenö mïlenanyi nyïngwïny ompöwölo kingwïnenyi nyïngwïny imïlonenyi wölini kingwïnenyi.”

KIRWOKÏ 19:15

Kïpa atoni kïlïtöy kanasyanta Kipea atö kïruyö. Wölo kumpur sany wölo le kokwö ompö kanasyan, ompöwölo melö kimi chi nyonikïny nyo kitach chane.

KIRWOKÏ 19:17

Kïlö pontonay atopöntö kïsïwa rutoghintonay mi kokwö, kïtep lö, “Iwetenyi onö? Akengwïnonyi onö?”

OSEA 9:9

kyolïtokwa ngokï lödïr le wölo kilata ompö Kipea Nonöy nyu Tororöt lelutkökwa akïmuny chane ompö ngokikwa.